HR-rådgjevar

Kunnskap som formar samfunnet

UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.
 

Video: https://youtu.be/M5n6RnScNgA

Rådgjevar ved HR‑avdelinga

Vil du vere med å vidareutvikle HR‑tenestene ved Universitetet i Bergen?

HR‑avdelinga ved UiB søkjer ein engasjert og utviklingsorientert rådgjevar til Seksjon for HR‑fellestenester. Vi leverer HR-tenester til Det juridiske fakultet, Fakultet for kunst, musikk og design og fellesadministrative einingar.

HR‑avdelinga si oppgåve er å yte god HR-fagleg service til leiing og tilsette. Som rådgjevar vil du vere ein viktig fagperson og sparringspart i HR‑relaterte saker ved einingane vi støttar, og i å bidra til gode, effektive og framtidsretta HR-tenester. Du vil samarbeide tett med leiarar, kollegaer i HR og andre støttetenester, og bidra aktivt i vidareutvikling av HR‑prosessar og arbeidsformer ved UiB.

Ansvars- og arbeidsoppgåver:

• Rådgjeving og heilskapleg støtte i rekrutteringsprosessar, frå behovsavklaring og utlysing til tilsetting
• Leiarstøtte innan HR og personaladministrative oppgåver
• Sakshandsaming innan personalforvaltning og personaladministrasjon i tråd med gjeldande lov- og avtaleverk i staten
• Utvikling og kvalitetssikring av HR-prosessar

• Bidra til god bruk av digitale verktøy og system i HR‑arbeidet

  HR‑tenestene ved UiB er i kontinuerleg utvikling. Stillinga gir difor rom for både fagleg utvikling og påverknad på framtidige løysingar.

Kvalifikasjonar:

• Utdanning på masternivå 
  • Lang og relevant erfaring kombinert med etter‑ og vidareutdanning kan i særskilde høve kompensere for manglande formell utdanning
• Relevant erfaring frå HR‑ og personalarbeid, gjerne frå universitet, høgskule eller annan kunnskapsorganisasjon
• God kjennskap til statleg forvaltning og regelverk er ein fordel
• God digital kompetanse og interesse for utvikling av arbeidsprosessar
• God skriftleg og munnleg framstillingsevne på norsk og engelsk

Personlege eigenskapar:

Vi søkjer ein medarbeidar som:

• arbeider sjølvstendig og strukturert, og tek ansvar for eigne leveransar
• er utviklingsorientert og ser moglegheiter for forbetring
• har gode samarbeids‑ og kommunikasjonsevner
• har god prioriteringsevne i ein kvardag med høg aktivitet
• har ei tydeleg service‑ og brukarorientering
• bidreg til eit inkluderande og trygt arbeidsmiljø

Personlege eigenskapar vil bli tillagt stor vekt.

Vi kan tilby:

• Spennande arbeidsoppgåver med mogelegheiter for fagleg og personleg utvikling
• Stilling som rådgjevar (kode 1434) kr 635 000 – 685 000 brutto i det statlege lønsregulativet. For særleg kvalifiserte søkjarar kan det verte aktuelt å vurdere høgare løn. 
• Medlemsskap i Statens pensjonskasse
• Gode velferdsordningar

Generell informasjon:

Utfyllande opplysningar om stillinga kan ein få ved å vende seg til: Seksjonssjef Janne Marie Solheimslid, janne.solheimslid@uib.no, tlf. nr. 91819544.

Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju.Nærare om tilsettingsprosessen her.