Helsefagarbeidar/hjelpepleiar seksjon for alderspsykiatri, natt

Psykiatrisk Klinikk er ein av seks klinikkar i Divisjon psykisk helsevern. Klinikken er lokalisert både på Sandvikenområdet og på Haukelandsområdet. Seksjon for alderspsykiatri held til på Haukelandsområdet og har no lokalisering i Glasblokkene. 

Seksjon for alderspsykiatri har ei døgneining med 12 sengeplassar, samt polikliniske og ambulante tenester. Seksjonen greier ut og behandlar pasientar med alvorlege psykiske lidingar som debuterer etter fylte 65 år. Alderspsykiatriske lidingar er kjenneteikna ved at det er samanheng mellom psykiatrisk og somatisk sjukdom, eller mellom psykiatrisk sjukdom og biologisk, psykologisk eller sosiale aldringsfenomen. Døme kan vere alvorleg depresjon, invalidiserande angstliding og akutt forvirringstilstand, ofte med organiske årsaker. Vi tar også imot pasientar med uavklart kognitiv svikt med psykiatriske tilleggssymptom, paranoide tilstandar og andre funksjonelle lidingar. 

Døgneininga har ein ledig fast 50% fast stilling ved alderspsykiatrisk sengepost, med arbeid på natt, og kvar 3. helg. Stillinga er ledig omgående. 

Arbeidsoppgåver

• Sjukehuset har fire hovudoppgåver, pasientbehandling, pasient og pårørande opplæring, forsking og utdanning 
• Utgreiing, observasjon og behandling av eldre menneske med alvorleg psykisk sjukdom
  
• Rettleie, gje støtte og omsorg til pårørande
  
• Oppfølging av pasientar innlagt ved døgnseksjonen
  
• Pasientadministrativt arbeid
  
• Delta i tverrfaglege møte
  
• Samhandling med andre instansar, internt og kommunale aktørar for å etablere eit godt tilbod til den einskilde pasinten
  
• Delta i kvalitetsforbetringsarbeid

Kvalifikasjonar

• Norsk autorisasjon som helsefagarbeidar/hjelpepleiar
• Ønskjeleg med 2 års erfaring som helsefagarbeidar/hjelpepleiar
• Må meistre norsk flytande, munnleg og skriftleg. Gode språkkunnskapar er heilt avgjerande for forsvarleg pasientbehandling. Ikkje-nordiske statsborgarar må minimum ha bestått Bergenstesten, eller annan norsktest på B2-nivå.
• Dokumentasjon må leggjast ved søknad.
• Engasjement og interesse for å jobbe med eldre menneske.
• God IKT-kompetanse
• Det blir lagt vekt på at du er personleg eigna for stillinga med tanke på haldningar, motivasjon og kommunikasjon

Personlege eigenskapar

• Du er pasientorientert
• Du jobbar sjølvstendig og tar personleg ansvar for at oppgåver blir utført
• Du søkjer aktivt råd og rettleiing og kjenner eigen kompetansegrense.
• Du kommuniserer og samarbeider godt.
• Du er trygg i rolla som helsefagarbeider/hjelpepleiar
• Du søker aktivt råd og rettleiing og kjenner eigen kompetanse
  
• Du kommuniserer og samarbeider godt
  
• Du er fleksibel

Vi tilbyr

• Lønn i samsvar med gjeldande overeinskomst
  
• Gode pensjons- og forsikringsordningar
  
• Eit aktivt og triveleg arbeidsmiljø

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Cathrine Stue Børhaug, Seksjonsleiar, 45246187

Arbeidsstad

Haukelandsveien 22
5021 Bergen

Nøkkelinformasjon:

Arbeidsgivar: Helse Bergen HF

Referansenr.: 5111984902
Stillingsprosent: 50%
Fast
Søknadsfrist: 27.04.2026