Spesialsjukepleiar

Likar du å dele erfaringar, finne løysingar saman med andre – og samtidig ha det kjekt på jobb?

Hos oss møter du eldre pasientar med psykiske lidingar og samansette utfordringar. Det krev både fagleg tryggleik, godt samarbeid og evne til å sjå mennesket bak sjukdommen. Arbeidsdagen kan vere krevjande, men du står aldri åleine. Vi lærer av kvarandre, finn løysingar saman og byggjer eit arbeidsmiljø prega av tryggleik, humor og fagleg styrke.

Stillinga er knytt til avdeling for eldremedisin og gir deg ein variert kvardag med arbeid både på eldremedisinsk poliklinikk og sengepost i alderspsykiatri. Om lag 70 % av stillinga er på poliklinikk og 30 % på sengepost, med arbeid kvar tredje helg.

Vi legg til rette for fagleg utvikling og er positive til vidareutdanning der det er mogleg.

👉  Takk for at du tok deg tid til å lese om stillinga. Kjenner du at dette kan vere noko for deg, håpar vi du sender oss ein søknad.

Kva går jobben ut på?

Hos oss får du mellom anna være med på:

• utgreiing, behandling og observasjon av eldre pasientar med psykiske lidingar og samansette behov
• oppfølging av pasientar både i poliklinikk og på sengepost i alderspsykiatri
• bidra til gode pasientforløp og trygge overgangar i samarbeid med kommunehelsetenesta
• bidra til fagleg deling og undervisning internt og i samarbeid med kommunane

Kva kompetanse er viktig i denne rolla?

Du må ha:

• Norsk autorisasjon som sjukepleiar.
• Relevant vidareutdanning innan psykiatri fagfeltet.
• Gode språkkunnskapar er heilt avgjerande for forsvarleg pasientbehandling. Ikkje-nordiske statsborgarar må minimum ha bestått Bergenstesten eller anna norsktest på B2-nivå. Dokumentasjon må leggjast ved søknad.

Det er ein fordel med:

Erfaring innan kognitiv utgreiing.

Kva ser vi etter hos deg?

Hos oss er det viktig at du:

• er trygg og fagleg engasjert, og som held oversikta når arbeidsdagen er travel
• tek initiativ og bidreg til å finne gode løysingar saman med andre
• trivst i samarbeid og set pris på eit miljø der ein lærer av kvarandre
• likar å undervisa internt og ut mot kommunane

Personlege eigenskaper blir vektlagde.

Kvifor skal du velje oss?

Hos oss får du:

• fagdagar, kurs og simuleringstrening som styrkjer den faglege utviklinga di
• ei positiv haldning til vidareutdanning, med tilrettelegging for vidare utvikling
• ein variert arbeidskvardag med både poliklinisk arbeid og arbeid på sengepost
• kollegastøtteordning og eit arbeidsmiljø der du ikkje står åleine
• eit inkluderande arbeidsmiljø i ei IA-verksemd.

Kontaktinformasjon

Doreen Halleland, Avdelingsleiar, 41692464, doreen.halleland@helse-fonna.no

Arbeidsstad

Karmsundgata 120
5528 HAUGESUND

Nøkkelinformasjon:

Arbeidsgivar: Helse Fonna HF

Referansenr.: 5080219516
Stillingsprosent: 100%
Fast
Søknadsfrist: 06.05.2026