Sommarjobb innan pleie, omsorg , reinhald og kjøkkendrift

Om arbeidsstaden

Helse og velferd er ei eining med om lag 200 tilsette og blir leia av kommunalsjef. I denne eininga inngår pleie - og omsorgstenester, tildelingskontor, legetenesta, jordmortenesta, ergoterapi- og fysioterapitenesta, miljøarbeidertenesta, NAV, psykisk helse og rus, kreftomsorg og frivillig arbeid. Helse og velferd har som mål å fagleg legge til rette med tenester tilpassa den enkelte sitt behov, slik at kvar og ein skal ha eit trygt, meiningsfylt og innhaldsrikt liv.

Om stillinga

Vi søkjer engasjerte og omsorgsfulle sommarvikarar til Austevoll pleie- og omsorgssenter, heimetenesta og hovudkjøkkenet sommaren 2026. 

Hos oss får du ein meiningsfull og variert arbeidskvardag, der du bidreg til tryggleik, trivsel og gode tenester for brukarar og bebuarane våre.

Vi treng deg som vil arbeide innan pleie, i heimetenesta og på sjukeheimen.

•  Stillingane i pleie inngår i turnus (kveld, dag, helg)

 

I tillegg treng vi sommarvikarar til følgjande dagstillingar:

• praktisk bistand i heimetenesta 
• reinhald på sjukeheimen 
• hovudkjøkkenet.

 

 

Ansvar og arbeidsoppgåver

Heimetenesta og pleie og omsorgssenteret:

• Praktisk bistand og pleie
• Hjelp til daglege gjeremål og personleg hygiene
• Måltidshandtering, pleie, omsorg og støtte
• Dokumentasjon og samarbeid med gode kollegaer
• Skape gode og trygge dagar for brukarane

 

Hovudkjøkken:

• Tilrettelegging og produksjon av måltid
• Pakking og distribusjon av mat
• Reinhald og orden etter gjeldande rutinar
• Samarbeid med kjøkken – og pleiepersonell.

 

Kvalifikasjonskrav

Formelle kvalifikasjonskrav:

• Fylte 18 år (yngre søkjarar kan vurderast)
• Gode norskkunnskapar både munnleg og skriftleg
• Grunnleggjande og digitale ferdigheiter
• Førarkort klasse B (Gjeld heimetenesta)
• Helsefagleg erfaring er ønskeleg, men ikkje eit krav. 
• Opplæring blir gitt
• Gyldig politiattest må leggast fram før tiltreding. 

 

Personlege eigenskapar:

• Du er omsorgsfull, respektfull og trygg i møte med eldre menneske
• Du tek ansvar og arbeider sjølvstendig
• Du er fleksibel og løysningsorientert
• Du kan samarbeide med andre og jobbe i team
• Du er stabil og påliteleg

Studentar og elevar innan helse- og omsorgsfag vert oppmoda til å søkja. 

Vi tilbyr

• God opplæring og rettleiing
• Eit inkluderande og fagleg godt miljø
• Ein meiningsfull sommarjobb med verdifull erfaring
• Løn etter gjeldande avtaleverk. 
• Mogelegheit for å fortsette i helgestilling eller som tilkallingsvikar etter at ferievikariatet er slutt. 
• Vi tilbyr bonustillegg for ferievikarar som studerer vernepleie eller sjukepleie, dersom du jobbar 4 veker eller meir i perioden juni – august.
  • Gjennomført 1. studieår heiltid eller 2. studieår deltid: kr. 10000,-.
  • Gjennomført 2. studieår heiltid eller 3. studieår deltid : kr. 20000,-.

Slik søker du på stillinga

Send søknad og CV ved å klikke på knappen merka "Søk stilling" på denne sida.

Det er søkar sitt ansvar å sørge for at alle relevante vedlegg er lagt inn innan fristen, som for eksempel attester og vitnemål. Dersom vitnemål, karakterutskrifter eller annan dokumentasjon ikkje er på eit skandinavisk språk eller engelsk, må søkar sjølv laste opp attesterte omsettingar.

Ikkje send søknad på e-post til enkeltpersonar i kommunen.

Vi gjer merksam på at i følge offentleglova § 25, 2. ledd kan opplysningar om søkaren bli offentleggjort sjølv om søkaren har oppmoda om ikkje å bli ført opp på offentleg søkarliste. Søkaren vil alltid bli varsla på førehand dersom søkarlista blir offentleggjort.