Opplæringsansvarleg Helseplattformen HMR

Vi lyser no ut to spennande engasjement til vårt opplæringsteam i Klinisk IKT, avdeling for E-helse og teknologi. Oppstart 4. mai, eller etter avtale.

Avdeling for E-helse og teknologi er motoren bak digitaliseringa i Helse Møre og Romsdal. Her arbeider vi med å utvikle og drifte moderne IT-løysingar og medisinsk teknologi som gir auka pasienttryggleik, betre arbeidsflyt og meir effektiv behandling.
Stillingane har hovudansvar for å ha oversikt over arbeidsflytar i Helseplattformen for ulike faggrupper i helseføretaket, samt koordinere og gjennomføre opplæring for desse.

De vil bli ein del av HMR sitt opplæringsteam og vil i fellesskap dekke opplæring for både sjukepleiefaglege grupper og legar. Arbeidstad kan vere Volda, Ålesund, Molde og Kristiansund.

Arbeidsoppgåver

• Planleggje og gjennomføre opplæring for sjukepleiefaglege grupper og legar i tett samarbeid med opplæringsteamet i HMR
• Følgje opp med leiarar, fagsjukepleiarar og kontaktpersonar på avdelings- og klinikknivå for å sikre at opplæringa blir tilpassa dei ulike behova i helseføretaket
• Bidra til at helsepersonell har den nødvendige kompetansen til å bruke Helseplattformen i sitt daglege arbeid
• Delta aktivt i kvalitetssikring av fagleg innhald i opplæringsmateriell og kurs
• Stillinga krev fysisk tilstadevering i klinikk/sjukehus fleire dagar i veka

Kvalifikasjonar

• Høgare utdanning innan helse, fortrinnsvis sjukepleie
• Må ha klinisk erfaring i bruk av Helseplattformen
• Ønskjeleg med erfaring frå opplæring og rettleiing
• Erfaring med å utvikle og tilpasse opplæringsmateriell
• Pedagogiske evner og gode kommunikasjonsevner

Personlege eigenskapar

• Strukturert og sjølvstendig med god gjennomføringsevne
• Evne til å tilpasse opplæring etter behov og nivå
• Gode samarbeidsevner og evne til å motivere og rettleie andre
• Engasjement for fagleg kvalitet og kontinuerlig forbedring
• Løysningsorientert og fleksibel i ein dynamisk arbeidskvardag
• Relasjonsbyggjar som trivst med samarbeid på tvers av fagmiljø

Å vere personleg eigna vert vektlagt ved tilsetting.

Vi tilbyr

• Fagleg utvikling og samarbeid med dyktige kollegaer
• Eit inkluderande og innovativt arbeidsmiljø
• Moglegheit for å påvirke eigen arbeidskvardag og arbeidsoppgaver
• Fleksibel arbeidstid
• Løn etter gjeldande overeinskomster
• Medlemskap i god offentlig pensjonsordning og fordelaktige forsikringsvilkår

Vi ber om at attestar og vitnemål vert lasta opp som vedlegg til søknaden din.

Kontaktinformasjon

Silje Johanne Farstad, Seksjonsleiar, +47 97745150

Arbeidsstad

Åsehaugen 5
6017 Ålesund

Nøkkelinformasjon:

Arbeidsgivar: Helse Møre og Romsdal HF

Referansenr.: 5101952146
Stillingsprosent: 100%
Engasjement
Startdato: 04.05.2026
Sluttdato: 30.04.2027
Søknadsfrist: 12.04.2026