Barne- og ungdomsarbeidarar 

Om stillingane 

Kom til Gulen og jobb som barne- og ungdomsarbeidar!

Dagsturhytta er flittig brukt av Eivindvik barnehage og skule, og turen frå skulen til Gulakvila er ein læringsarena i fleire fag. Eininga er oppteken av, og flinke til å nytte seg av naturen og elles nærområdet i undervisinga si.  

Skulen ved Eivindvik barnehage og skule har rundt 60 elevar i 1. - 10. klasse. Klikk her for meir informasjon om eininga.

Eivindvik barnehage og skule har ledig 80% fast stillingar som barne- og ungdomsarbeidarar frå august 2026. Stillinga er i hovudsak knytt til avdeling skule og SFO, men arbeidsoppgåver i barnehage kan verte aktuelt ved behov. Arbeidsoppgåvene vil variere etter behovet ved eininga. 

Arbeidsoppgåver 

• Arbeidsoppgåver knytt til elevar frå Ukraina
• Arbeidsoppgåver knytt til enkeltborn
• Medverke til at skule, SFO og barnehage er ei god pedagogisk verksemd
• Bistå elevar i undervisingssituasjonen
• Medansvar for tilsyn, omsorg og pedagogisk arbeid med borna
• Delta i planlegging, rettleiing, gjennomføring, evaluering og vurdering i verksemd
• Andre oppgåver som måtte kome til

Kvalifikasjonar 

• Fagbrev som barne- og ungdomsarbeidar eller tilsvarande kompetanse. Søkjarar utan formell utdanning kan også søkje og verte vurdert for mellombels stilling
• Det er ynskjeleg at ein kan kommunisere med flyktningar frå Ukraina på deira morsmål
• Gode norskkunnskapar - både munnleg og skriftleg
• Gyldig politiattest 

Personlege eigenskapar 

• Trivst, kommuniserer og samhandlar godt med borna, føresette, kollegaer og andre samarbeidspartnarar
• Kan bidra til eit godt og stabilt arbeidsmiljø for både born og vaksne
• Er strukturert, men likevel kunne vere spontan i møtet med borna
• Fleksibel og har gode samarbeidsevner
• Å vere personleg eigna kan verte vektlagt ved tilsetjing

Anna 

• Tenestespråket i Gulen kommune er nynorsk
• Tilsetjing etter gjeldande lover, føresegner og avtalar
• For tilsetjing innan pleie og omsorg, miljøteneste, barnevern, i skule, SFO og i barnehage, vert det stilt krav om politiattest etter aktuell/gjeldande lovheimel før oppstart i stillinga. Det skal berre krevjast politiattest av den som får tilbod om stillinga
• Vi gjer merksam på at søkjarlister med namn, kjønn, alder og noverande stilling er offentleg informasjon. Dersom søkjarar likevel ber om konfidensiell handsaming, og grunnen for å unnta offentleggjering ikkje vert godkjent, får søkjen høve til å trekke søknaden sin før offentleggjering
• Løn etter tariff 
• Gode forsikrings- og pensjonsordningar