Klinisk ernæringsfysiolog  

Voss Sjukehus har ledig 100% vikariat for klinisk ernæringsfysiolog frå 01.06.2026 til 01.06.2027.

Me ser etter deg som er klar for ein spennande jobb  i spesialisthelsetenesta, og som trivast med varierte oppgåver.

Voss sjukehus er lokalsjukehus for om lag 30.000 innbyggjarar i Vestland. Me har full akuttberedskap innan medisin, kirurgi, føde, gynekologi og anestesi. Me har også gode støttetenester innanfor radiologi, fysioterapi, tverrfaglege tenester og laboratorium med blodbank. Det er kring 400 tilsette ved sjukehuset.

Voss er ei bygd med 14.000 innbyggjarar omkransa av flott natur med moglegheit for mange ulike aktivitetar. Kulturlivet er rikt og variert med mange festivalar.

Om stillinga: 
På Voss Sjukehus er det tilsett to klinisk ernæringsfysiologar.  Grunna foreldrepermisjon lyser me ut dette vikariatet. Som klinisk ernæringsfysiolog er ein organisert i Kirurgisk Seksjon, men behandlar pasientar som er inneliggande og i  poliklinikk innnafor fagområda kirurgi, medisin, ortopedi, føde og gynekologi, samt pasientar på Intensiv avdeling.  Voss Sjukehus har stor aktivitet innanfor bariatrisk kirurgi og klinisk  ernæringsfysiolog deltek i stor grad i det pasientforløpet.  

Som klinisk ernæringsfysiolog har  eit overordna ansvar for spørsmål knytt til ernæring på Voss sjukehus og er ein del av eit lokalt ernæringsnettverk. 

Om kirurgisk seksjon

Kirurgisk seksjon har ansvar for all aktivitet innan fagområda  kirurgi og ortopedi, både for døgn-, dag- og poliklinikkpasientar. Ein handterer elektiv drift og øyeblikkeleg hjelp, i poliklinikk og på sengepost.   Det er er ein aktiv og tverrfagleg arbeidsplass med høg fagleg standard og godt arbeidsmiljø. Ved seksjonen er det tilsett fysioterapeutar, ergoterpeut, sjukepleiarar, helsefagarbeidarar, sosionom og merkantilt personale. 

Arbeidsoppgåver

• Ernæringsbehandling til pasientar som gjennomgår bariatrisk kirurgi
• Ernæringsbehandling til inneliggjande og polikliniske pasientar innafor ulike fagområder
  
• Undervisning/rettleiing av pasientgrupper
  
• Bistå med internundervisning
  
• Delta i - og bistå ernæringsnettverket ved Voss sjukehus
• Rettleiing av studentar

Kvalifikasjonar

Krav om: 

• Autorisasjon som klinisk ernæringsfysiolog
• Søkjar må meistre norsk munnleg og skriftleg
• Meistre bruk av digitale verktøy

Ynskje om:

• Relevant erfaring frå arbeid i spesialisthelsetenesta
• Kjenskap til digitale system brukt i spesialisthelsetenesta

Personlege eigenskapar

• Du har god fagleg vurderingsevne, arbeider målretta og strukturert
• Du er motivert og har interesse for faget
• Du har gode evner til tverrfagleg samarbeid og meistrar eit høgt tempo 
• Du er løysingsorientert 
• Du må kunne arbeide godt både sjølvstendig og saman med andre
• Du kommuniserer og samarbeider godt med pasientar, pårørande og medarbeidarane dine 
• Du bidreg til eit fagleg og kollegialt godt miljø 
  

Vi tilbyr

• Arbeid i eit tverrfagleg og triveleg miljø
• Faglege utfordringar 
• Lønn etter avtale
• Gode pensjons- og forsikringsordningar
  

 

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Ranveig Herheim Knapstad, Seksjonsleiar, 97711192

Arbeidsstad

Sjukehusvegen 16
5704 Vossevangen

Nøkkelinformasjon:

Arbeidsgivar: Helse Bergen HF

Referansenr.: 5077096271
Stillingsprosent: 100%
Vikariat
Startdato: 01.06.2026
Sluttdato: 30.06.2027
Søknadsfrist: 11.03.2026