Opplæringsansvarleg

Eigedom og utbygging, seksjon for system og utvikling søkjer person som kan tre inn i stillinga som opplæringsansvarleg.

Avdelinga har om lag 400 tilsette der hovudtyngda av dei tilsette er i seksjon for drift og vedlikehald, der det er store krav til dokumentert sikkerheitsopplæring og anna HMS-opplæring. I tillegg set den teknologiske utviklinga store krav til våre tilsette sin kompetanse innan IT-system og nye IT-verktøy. Stillinga skal syte for at eigedomsavdelinga følgjer lovpålagte krav innan HMS, og følgjer opp at våre tilsette får dei kompetansehevingstiltaka som er naudsynt for å kunne utføre sine arbeidsoppgåver på ei god måte. Stillinga vil samarbeide nært med fagansvarleg HMS og kvalitet, samt andre fagpersonar i avdelinga.

Arbeidsoppgåver

• Ansvar for avdelinga si kompetanseplan
• Setje i verk relevante opplæringsprosedyrar, verktøy og retningsliner
• Planlegge, koordinere og gjennomføre ulike opplæringstiltak, og hjelpe næraste leiar i opplæring av medarbeidarar
• Utvikling og kvalitetssikring av opplæringsmateriell
• Planlegge og syte for at HMS-opplæring og dokumentert sikkerheitsopplæring for drift- og reinhaldpersonell blir gjennomført
• Halde oversikt over opplæringsbehov i de ulike seksjonane
• Leggje til rette for, og lage kurs i avdelinga si opplæringsportal og følgje opp gjennomføring av kurs
• Kvalitetssikre eksterne opplæringstenester og bidra til at desse held naudsynt kvalitet
• Koordinere oppfølging av lærlingar i byggdrifter- og reinhaldsfaget
  

Kvalifikasjonar

• Høgare utdanning på minimum bachelor-nivå
  Anna dokumentert relevant realkompetanse kan erstatte utdanningskravet, tilsetjing kan da bli gjort med anna stillingsnemning
• Naudsynt med erfaring innan opplæring og rettleiing, særs innan HMS-opplæring
• God generell IT-kompetanse, kunnskap og god erfaring med Microsoft365-porteføljen (t.d.Teams, Planner, Office, OneDrive) og kompetanse- og opplæringsportalar
• Gode norsk og engelsk språkkunnskapar, skriftleg og munnleg.

Personlege eigenskapar

• Gode kommunikasjons- og samarbeidsevner og positiv innstilling
• Evne til å ta ansvar og arbeide sjølvstendig
• Gode pedagogiske evner
• Strukturert og systematisk med evne til å planlegge, prioritere og koordinere
• God munnleg og skriftleg framstillingsevne, på norsk og engelsk
• Høg etisk standard

Vi tilbyr

• Spanande og varierte oppgåver i eit tverrfagleg miljø
• Eit triveleg arbeidsmiljø med mye latter og humor
• Bli kjend i Vestland og arbeide med engasjerte og dyktige kolleger i heile fylket
• Gode moglegheiter for fagleg utvikling
• Gode offentlege pensjons- og forsikringsvilkår
• Løn etter avtale og i samsvar med fylkeskommunale vilkår
• Fleksibel arbeidstid og gode kontorfasilitetar
• Heimekontorordning kan avtalast 1-2 dager per veke
• Arbeidsstad: Bergen eller Leikanger
• Noko reising i fylket må påreknast i stillinga

Kontaktinformasjon

Christina Jenny Brautaset, seksjonssjef, +47 41326604

Arbeidsstad

Lars Hilles gate
5008 Bergen

Nøkkelinformasjon:

Arbeidsgivar: Vestland fylkeskommune

Referansenr.: 4853934000
Stillingsprosent: 100%
Fast
Søknadsfrist: 17.11.2025