Lege i spesialisering i psykiatri

Eit LIS-løp med meining – for deg som vil utvikle deg fagleg og menneskeleg 

Ønsker du ein arbeidskvardag med fagleg vekst, fleksibilitet og eit kollegialt miljø der du blir sett og følgt opp? 

Er du nysgjerrig på psykiatri – anten som hovudspesialitet eller som del av eit anna spesialiseringsløp? 

Då kan det hende vi ser etter akkurat deg! 

I vår divisjon satsar vi på kontinuerleg utvikling av spesialistutdanninga, og at den skal halde høg kvalitet, i tråd med helsedirektoratets krav og samfunnets forventningar og behov.  Som LIS 3 hos oss vil du oppleve eit velorganisert og saumløyst utdanningsløp der det blir lagt til rette for at du skal få oppnådd alle læringsmål innan fem år.    

Kvifor velje oss? 

Hos oss får du: 

• Eit stort og inkluderande LIS-felleskap med 32 LIS 3-stillingar, dedikert seksjonsleiar og utdanningsansvarleg overlege.
• Eit strukturert utdanningsløp med felles rotasjonsordning og tett individuell oppfølging. Du får tilgang til eit breitt spekter av læringsarenaer,- både ved sjukehusavdelingar og Distriktspsykiatriske senter (DPS) i Bergensområdet, - inkludert akuttmottak, ambulante team, poliklinikkar, dagavdelingar og sengepostar. LIS roterer til ein ny læringsarena 1. mars og 1. september. Vi gir fleksibilitet på rotasjonsperioden slik at du oppnår alle kompetansekrav til spesialiteten. Det blir lagt stor vekt på kandidaten sine eigne ønske og interesser ved val av læringsarena.
• Deltaking i vaktordning med god støtte og tryggleik i gjeldande forvaktsordning, knytt til Psykiatrisk akuttmottak. Vaktordninga er 24-delt i rullerande plan. LIS 3 har i perioden 21 vakter fordelt på vekedagar og kvar sjette helg. Sju av vaktene er nattevakter. Kvar 24. veke er avspaseringsveke. Det er alltid to forvakter til stades.
• Fast vekentleg éin-til-éin klinisk rettleiing og psykoterapirettleiing.
• Felles internundervisning for LIS3 i vaksenpsykiatri – to timar kvar onsdag med relevante og varierte tema – ei flott møtestad for sosial og fagleg utvikling  
• Fordjupingstid kvar veke.
• Tilrettelegging for kurs og forskingsaktivitet som ein naturleg del av utdanningsløpet  

No lyser vi ut to faste stillingar og to vikariat for LIS 3 i vaksenpsykiatri ved Divisjon psykisk helsevern, Haukeland universitetssjukehus. Vi er fleksible med tanke på oppstartsdato. Vikariatene er på 6 månader, med moglegheit for forlenging. Vikariat kan telje som del av spesialistutdaninga.

For fast stilling gjeld følgande: Etter fullført spesialisering vil stillinga bli omgjort til legespesialist.

Arbeidsoppgåver

• Utgreiing og behandling av pasientar på spesialistnivå (sjukehus/DPS)  
• Deltaking i forvaksordning
• Ta del i undervisning, kurs og rettleiing slik spesialiseringsreglane i psykiatri krev 

Kvalifikasjonar - Vi ønsker oss deg som: 

• Den som blir tilsett som LIS må ha norsk autorisasjon og godkjend turnusteneste/LIS 1 eller teneste som etter gjeldande norsk regelverk kan leggast til grunn for tilsetting i LIS stilling i psykiatri
• Har interesse for psykiatri – anten som hovudspesialitet eller som sideutdanning  
• Gode språkkunnskapar er heilt avgjerande for forsvarleg pasientbehandling. Ikkje-nordiske statsborgarar må kunne dokumentere ferdigheiter i norsk på minimum B2/NOR-U3- nivå eller høgare. Dokumentasjon må leggast ved søknad 
• Har evne til å møte menneske i krise med profesjonalitet og empati. Er strukturert, samarbeidsvillig, god på å jobbe tverrfaglig og tåler å stå i krevande situasjonar  
• Ønsker å bidra til fagleg utvikling og eit godt arbeidsmiljø  
• Politiattest må fremvisast ved tilsetting

Vi tilbyr

• Eit fem-årig utdanningsløp, som dekker alle utdanningskrav i vaksenpsykiatri
• Strukturert individuell oppfølging med jamnlege møte, minst to gonger i året – med fokus på fagleg utvikling og tilpassing av utdanningsløpet  
  
• Moglegheit for forsking som del av utdanninga  
  
• Introkurs, fadderordning og opplæringsvakter ved oppstart  
  
• God spesialistdekning og breidde i fagmiljøet  
  
• Løn i samsvar med gjeldande overeinskomst.  
  
• Gode pensjons- og forsikringsordningar  
  
• Kandidatar i sideutdanning får moglegheit til å følge kurs som er nødvendige for eiga spesialitet  

Lurer du på om du skal søke? 

Om du stiller deg sjølv spørsmålet, er svaret ja. 
Send gjerne inn ein uforpliktande søknad – vi vurderer fortløpande og tar gjerne ein uformell prat! 
Du kan òg lese om utdanninga på vår nettside LIS 3 Vaksenpsykiatri

 

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Anne-Margrethe Waagsberg Øksnes Åsvang, Seksjonsleiar, 91164496, aenv@helse-bergen.no
Tone Smith-Sivertsen, Overlege, 41644781, tsmi@helse-bergen.no

Arbeidsstad

Sandviksleitet 1
5036 Bergen

Nøkkelinformasjon:

Arbeidsgivar: Helse Bergen HF

Referansenr.: 5078030386
Stillingsprosent: 100%
Fast, Vikariat
Startdato: 01.05.2026
Søknadsfrist: 01.03.2026