Helsefagarbeidar/assistent

Bømlo heimeteneste søkjer ein engasjert og omsorgsfull helsefagarbeidar eller assistent til ei 50% fast nattevaktstilling med arbeid kvar 4. helg. Du vil få ei viktig rolle i å sikre tryggleik og omsorg for brukarar i eigen bustad - og bidra til at dei kan meistre kvardagen sin på best mogleg måte. 

 

Heimetenesta i Bømlo kommune

Heimetenesta organiserer tilbod om heimesjukepleie, matombringing, heimerehabilitering, praktisk bistand, velferdsteknologi bl. tryggleiksalarmar og elektroniske medisindispenserar, dagtilbod for eldre og brukarstyrt personleg assistanse. Me jobbar målretta for å støtte brukarane i å leve gode liv i eigen heim eller tilrettelagt bustad. 

Arbeidsoppgåver

• Våken nattevakt med ansvar for brukar i eigen bustad. Ein arbeider åleine, men samarbeider tett med pårørande og ambulerande nattpatrulje.
• Bidra til tryggleik i eigen heim og sikre nødvendig oppfølging.
• Dokumentere og sikre kontinuitet.

Andre oppgåver kan bli tillagt stillinga avhengig av den tilsette sin kompetanse og interesser. Endringar i arbeidsområdet må kunne påreknast. 

Kvalifikasjonar

• Ønskjeleg med fagbrev som helsefagarbeidar, men ufaglærte er også velkomne til å søkje
• Må kunne kommunisere godt på norsk

Det vert stilt krav om politiattest ved tilsetting etter helse og omsorgstenestelova § 5.4.

Personlege eigenskapar

• Evne til å arbeide sjølvstendig og strukturert
• Trygg på eigen kompetanse og arbeidsutføring
• Gode samarbeidsevner og omsorg for andre

 

Ved vurdering av den best kvalifiserte, legg me vekt på utdanning, erfaring og personlege eigenskapar, samt din motivasjon for stillinga. 

Vi tilbyr

• Gode offentlege pensjons- og forsikringsordningar
  
• Løn og arbeidsvilkår i samsvar med gjeldande lov og avtaleverk
• Ein meiningsfull jobb med høve til fagleg utvikling
• Som tilsett får du tilbod om medlemskap i velferdsklubb som gjev tilsettegoder

 

Andre opplysingar

• Bømlo kommune ser på inkludering og mangfald som ein styrke, og vil oppmode alle kvaliserte søkjarar om å søke stilling uavhengig av bakgrunn 
• Me gjer merksam på at søkjarar vert ført opp på offentlig søkerliste. Det er mogleg å søkje om anonymitet, men det må vere særskilte omstende for å få innvilga unntak, jf. Offentleglova § 25
• Synest du stillinga ser interessant ut, og samsvarar med kvalifikasjonane dine, sender du oss søknaden din elektronisk via Webcruiter.no med CV, vitnemål og attestar som stadfestar tidlegare arbeidsforhold. Ved førespurnad må du kunna skaffa bekrefta kopiar av dokumentasjonen din.
  Dersom du har spørsmål om stillinga og rekrutteringsprosessen, ta kontakt med avdelingsleiar Elin Akse Vik på telefon nr. 412 48 119
  

Kontaktinformasjon

Elin Akse Vik, 412 48 119
Hilde Markhus, 909 49 278

Arbeidsstad

Leirdalen 1
5430 Bremnes

Nøkkelinformasjon:

Arbeidsgivar: Bømlo kommune

Referansenr.: 5085718822
Stillingsprosent: 50%
Fast
Startdato: 01.05.2026
Søknadsfrist: 15.03.2026