Musikkskulelærar

Vi har ledig ei fast stilling i 20 % som kulturskulelærar innan dans ved Hareid musikk- og kulturskule frå 01.08.2026. Vi søkjer ein dyktig og engasjert lærar som ønskjer å delta i utviklinga av eit godt lærings- og utviklingsmiljø.

Hareid musikk- og kulturskule held til i lokale ved ungdomsskulen i kommunen, men undervisninga i dans finn stad på Hareid skule. Skulen har i dag 3,65 årsverk fordelt på 11 tilsette og har ca 230 elevar.

Arbeidsoppgåver

Undervisning i dans på ettermiddag/kveld.

Kvalifikasjonar

Det er ønskjeleg med minimum bachelorutdanning innan dans med kunnskap, erfaring og bakgrunn i danseformene hip-hop, ballett og pop-dans.

Vi ønskjer at du har praktisk-pedagogisk utdanning, eller tilsvarande pedagogisk utdanning og relevant praksis

Andre med relevant utdanning/praksis, kan bli vurderte til stillinga, om vi ikkje får søkjarar som tilfredsstiller krava for tilsetting etter Rammeplan for kulturskulen kap. 4.1.2. Den som vert tilsett må levere politiattest av nyare dato, jf. opplæringslova § 17-11.

Personlege eigenskapar

• interesse for å arbeide med barn og unge
• gode pedagogiske og relasjonelle evner

Vi legg stor vekt på personlege eigenskapar ved tilsetting. 

Vi tilbyr

• utfordrande og varierte arbeidsoppgåver ved ein skule i utvikling
• eit godt arbeidsmiljø med engasjerte kollegaer
• løn etter gjeldande avtaleverk
• god forsikrings- og pensjonsordning

Du må søkje digitalt, og laste opp relevante vitnemål og attestar til søknaden din. Vi gjer merksam på at søknaden blir vurdert ut frå den informasjon som ligg føre. Det er viktig at du viser korleis din kompetanse fyller kriteria for stillinga.

Tilsettinga skjer på vanlege kommunale vilkår. Faste stillingar har seks månaders prøvetid. 
 
Intern søkjar
Dersom du ønskjer å bli vurdert ut frå kriterium for intern fortrinnsrett til stillinga, hakar du av på omsyn – intern søkjar. Dette gjeld berre for tilsette i Hareid kommune som er ufrivillig deltidstilsette jf.  AML §14.3, eller andre forhold knytt til lover og avtaleverk som kan gi deg grunnlag for fortrinnsrett.

 

Hareid kommune praktiserer meiroffentlegheit ved tilsettingar. Jf.  Offentleglova § 25 kan du som søkjar be om å ikkje bli oppført på offentleg søkjarliste. Om du ønskjer å reservere deg, må du opplyse om dette og grunngi søknaden. Hareid kommune kan likevel avgjere at namnet ditt skal offentleggjerast. Du blir kontakta i forkant. 

Kontaktinformasjon

Bård Inge Myklebust, Rektor, 98099152, bard.inge.myklebust@hareid.kommune.no
Helge Hamre, Kommunalsjef, +47 95069388

Arbeidsstad

Rådhusplassen 5
6060 Hareid

Nøkkelinformasjon:

Arbeidsgivar: Sektor for læring og kultur

Referansenr.: 5137363855
Stillingsprosent: 20%
Fast
Søknadsfrist: 16.06.2026