Rådgjevar beredskap, kvalitet og HMS

Om stillinga

Me søkjer ein engasjert og strukturert rådgjevar til ei nyoppretta 100 % stilling.

Stillinga medfører arbeid med samfunnstryggleik og beredskap i tillegg til å vera tilretteleggjar for arbeidet til kriseleiinga. Bakgrunnen for stillinga er behov for auka satsing på beredskap, fagleg styrking og betre koordinering - og for å bidra til at kommunen held fram med å utvikla trygge og robuste lokalsamfunn. 

I tillegg vil stillinga ha ansvar for å vareta kommunen sitt kvalitets- og HMS-system, noko som òg inneber å gje støtte og vera ein pådrivar inn i organisasjonen.

Stillinga er organisatorisk plassert under rammeområdet Organisasjon og personal. 

Arbeidsoppgåver

• Systematisk og heilskapleg arbeid med å oppretthalda og styrka beredskapen i kommunen
• Ansvar for ajourhald og revidering av kommunen sitt planverk med samfunnstryggleik og beredskap
• Samordning med regionale og lokale aktørar innan tryggleik og beredskap, både internt og eksternt
• Ansvar for operativ bruk av beredskaps- og krisestøtteverktøy (Rayvn), inkludert planlegging og gjennomføring av øvingar
• Delta i og bidra inn i Ytre Haugalandet beredskapsforum på vegner av Sveio kommune
• Sjå til at kvalitetssystem med overordna styringssystem, prosedyrar og rutinar blir vidareutvikla og er i samsvar med regelverk
• Systematisk HMS‑arbeid med ansvar for avvikssystem, risikovurderingar, dokumentasjon og etterleving av HMS‑lovverket
• Ansvarleg for å koordinera kommunen sine AMU-møte og verneombodssamlingar
• Kunna gjennomføra intern opplæring i aktuelle system ved behov
• Rettleiing og støtte til leiarar og tilsette i spørsmål om beredskap, kvalitet og HMS
• Andre relevante oppgåver vil vera aktuelle, avhengig av behov og kompetanse

Kvalifikasjonar

• Relevant utdanning innan samfunnstryggleik og beredskap, minimum på bachelornivå
• Anna utdanning saman med relevant erfaring kan òg vera aktuell
• God kunnskap om og erfaring med beredskap, ROS-analysar og krisehandtering
• Erfaring med systematisk kvalitets- og HMS-arbeid
• God forståing av kommunen sitt samfunnsoppdrag
• Digital forståing og erfaring med bruk av digitale verktøy

Personlege eigenskapar

• Fagleg engasjert med evne til å samarbeida med ulike faggrupper
• God nettverks- og relasjonsbyggjar
• God gjennomføringsevne
• God formidlingsevne
• Strukturert og sjølvstendig

• God på kommunikasjon, både skriftleg og munnleg. Skriftspråket i kommunen er nynorsk

  Personlege eigenskapar vil bli vektlagde.

Vi tilbyr

• Utfordrande og lærerikt arbeid i eit engasjert og fagleg kompetent arbeidsfellesskap 
• Eit fagmiljø under utvikling som du får vera med og påverka og utvikla 
• Løn etter avtale, og gode pensjons- og forsikringsordningar