Kommune/arealplanleggjar

Luster kommune har ledig 100% fast stilling som kommune/arealplanleggjar ved planavdelinga, med arbeidsstad på rådhuset i Gaupne. Avdelinga har ansvar for planarbeid/planhandsaming, byggesakshandsaming, oppmåling og kartforvaltning. Kommunen har eit godt arbeidsmiljø og kan tilby utfordrande og interessante arbeidsoppgåver. Ved eininga er det i dag 8 tilsette med god og variert kompetanse innan dei ulike fagområda. Frå 2027 vert Luster vertskommune for eit interkommunalt vertskommunesamarbeid innan oppmåling, kart og GIS i Sogn -  noko som kan påverke organiseringa.

Stillinga er ein av tre planstillingar i kommunen. Til stillinga ligg hovudansvaret for å gjennomføre overordna planoppgåver som kommuneplanen sin arealdel og samfunnsdel, men og oppgåver knytt til utarbeiding av reguleringsplanar og anna planarbeid. I dette ligg og handsaming av private reguleringsplanar og publikumsrettleiing knytt til plansaker. Det er ønskjeleg med kompetanse og erfaring innan bruk av digitale kartverktøy/GIS. Luster kommune brukar Gisline som planverktøy.

• Høgare utdanning med fokus på areal- og/eller samfunnsplanlegging. Erfaring er ønskjeleg.
• Me søkjer etter ein medarbeidar med allsidig kompetanse som kan bidra med god fagleg kvalitet i offentleg forvaltning. Gode norskkunnskapar, både skriftleg og munnleg, er ein føresetnad. Luster kommune har nynorsk som administrasjonsmål.
• Ved vurdering av søkjarar vil det bli lagt stor vekt på personlege eigenskapar som t.d. gode samarbeids- og kommunikasjonsevner, evne til å arbeide sjølvstendig og strukturert, men og i team.
• Søkjar bør ha førarkort kl. B.

• Gode kommunikasjonsevner.
• Gode samarbeidsevner og evner til å arbeide sjølvstendig.
• Relevant erfaring.

• Arbeid i ein veldriven kommune med gode og sikre rammevilkår.
• Eit godt og stabilt arbeidsmiljø med høg fagkompetanse.
• Gode moglegheiter for fagleg utvikling.
• Kommunale tilsetjingsvilkår med gode pensjons- og forsikringsordningar.
• Løn etter gjeldande tariff og avtaleverk.

• Administrasjonsmålet i kommunen er nynorsk.
• Alle faste nytilsetjingar vert gjort med ei prøvetid på 6 månader.
• Me gjer merksam på at i følgje offentleglova § 25, 2. ledd kan opplysningar om søkjaren bli offentleggjort sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort.
• Søknadar må leverast innan fristen og må sendast inn via rekrutteringssystemet vårt EasyCruit.

Link til søknadsskjema: Søk her