Fagansvarleg ungdom og unge vaksne

Nav Bergen Sør søkjer ein rettleiar med fagansvar for oppfølging av ungdom og unge vaksne. Stillinga er delt mellom fagansvar (50 %) og oppfølging av eigne brukarar (50 %), og er ei sentral rolle i både fagutvikling og brukaroppfølging.

Som fagansvarleg vil du bidra til å utvikle og styrkje fagfeltet knytt til ungdom ved kontoret. Du samarbeider tett med leiinga og andre fagansvarlege, både lokalt og regionalt, og har ansvar for å fremje fagleg kvalitet, kompetansedeling og kontinuerleg forbetring i tenestene. Ved Nav Bergen Sør vert du ein av våre tre fagansvarlege som jobbar tett saman på tvers av teama.  Ungdomsteamet har 18 engasjerte kolleger. Samstundes vil du følgje opp ungdom og unge vaksne i eiga portefølje og bidra til at fleire kjem over i arbeid, utdanning eller annan aktivitet.

Nav Bergen Sør deltek i utprøvinga av Ungdomsprogrammet, ei nasjonal satsing for å styrkje oppfølginga av unge arbeidssøkjarar. Dette gir spennande moglegheiter til å bidra i utviklingsarbeid og vidareutvikling av gode tenester for ei prioritert målgruppe.

Hos oss får du ein meiningsfull arbeidskvardag i eit fagmiljø med høge ambisjonar for kvalitet og resultat, der samarbeid, læring og utvikling står sentralt.

Nav Bergen Sør er eit av fire bydelskontor i Bergen. Kontoret har todelt leiarmodell, med ein statleg og ein kommunal leiar. Vi er til saman om lag 95 tilsette, herav 45 er statleg tilsette.  

Kva går jobben ut på? 

Som fagansvarleg vil du ha ei sentral rolle i å utvikle og styrkje fagfeltet knytt til oppfølging av ungdom og unge vaksne. Du deltek aktivt i fagmøte og fagforum, held deg oppdatert på utvikling i fagområdet og bidreg til å omsetje ny kunnskap til praksis i teamet.

Du vil ha ansvar for å sikre god informasjonsdeling og kompetanseoverføring i kontoret, og vere ein fagleg støttespelar for både leiar og kollegaer. Vidare skal du vere ein pådrivar for opplæring, fagutvikling og vidareutvikling av tenestene våre.

Stillinga inneber og oppfølging og rettleiing av eigne brukarar, der du bidreg til målretta oppfølging mot arbeid, utdanning eller annan aktivitet.

Arbeidsoppgåver og ansvarsområde kan bli justerte i tråd med utvikling i tenestene og behova i eininga.

Kva kompetanse er viktig i denne rolla? 

Du må ha

• utdanning på minimum bachelornivå. Sosialfagleg, samfunnsfagleg, juridisk, pedagogisk eller helsefagleg utdanning er ein fordel. Relevant utdanning og/eller arbeidserfaring kan kompensere for utdanningskravet
• minimum 5 års erfaring frå fagleiing, kollegarettleiing eller kompetanseutvikling
• god rettleiingskompetanse og erfaring med kartlegging, rettleiing og oppfølging av ungdom og unge vaksne 
• god kunnskap om sakshandsaming og relevant lovverk, særleg Nav-lova, folketrygdlova og forvaltningslova
• brei erfaring med Nav sine fagsystem og god digital kompetanse som gjer at du raskt kan setje deg inn i nye system

Det er ein fordel om du har

• god kjennskap til arbeidsmarknaden og inkluderingsarbeid
• kunnskap om Lean eller arbeid med kontinuerleg forbetring

Kva ser vi etter hos deg?

• er ein tydeleg fagleg pådrivar og støttespelar
• kommuniserer godt og formidler fag på ein tydeleg måte
• gode samarbeidsevner og byggjer tillit og relasjonar internt og eksternt
• motiverer og engasjerer andre, og bidreg til utvikling og endring
• arbeider sjølvstendig, strukturert og målretta
• er fleksibel og endringsdyktig i møte med nye krav, arbeidsformer og utvikling i tenestene
• tek gode faglege avgjerder, også i krevjande situasjonar
  

Kvifor velje oss?

• moglegheit til å gjere ein forskjell i ein organisasjon med eit særs viktig samfunnsoppdrag
• ein spennande jobb i eit innovativt arbeidsmiljø, prega av kompetanse og marknadsorientert innstilling
• opplæring, kurs og kompetanseheving 
• aktive, engasjerte og inkluderande kollegaer i eit godt og utviklingsorientert arbeidsmiljø
• velferdsgode som fleksibel arbeidstid og høve til trening i arbeidstida
• statleg tilsetting i stillingskode 1367 Senior Rådgiver med lønsspenn frå kr. 675 000,- til kr. 750 000,- per år. For særs kvalifiserte søkarar kan høgare lønn vurderast.  
• god pensjonsordning, låneordning og forsikringar gjennom Statens pensjonskasse

Kontaktinformasjon

Susanne Wærn van Hoek, Avdelingsleiar, 48209642, susanne.wern.van.hoek@nav.no

Arbeidssted

Kokstadflaten 40
5257 Kokstad

Nøkkelinformasjon:

Arbeidsgiver: Nav

Referansenr.: 5078709207
Stillingsprosent: 100%
Fast
Søknadsfrist: 25.02.2026