Brannkonstabel i Fitjar

Brann- og redningspersonellet blir stilt ovanfor ulike situasjonar og arbeidsoppgåver der det blir kravd grundigheit, varsemd, raske avgjerder og effektiv redningsinnsats. Som brannkonstabel møter ein mange fysiske og psykiske utfordringar, i spanande arbeid med beredskap for lokalsamfunnet. Er du den neste vi ser etter?

Fitjar brann og redning har to ledig stillingar som deltidsbrannkonstabel med tilsetjing i 2026, i begge blir det oppstartsdato etter avtale.

Fitjar brann og redning har om lag 18 tilsette og er organisert med innsatsleiar og utrykkingsleiar på 4-delt vakt, samt ein brannkonstabel på vakt i helger. For ein brannkonstabel utgjer dette 6 vakthelger per år. Det er forsterka vaktlag ved feriar og høgtider. Brannordninga kan bli endra. Øvingstimar per år er 48 timar (2,5 % stilling).

Arbeidsstad

Brannstasjonen på Fitjar.

Arbeidsoppgåver:

• Innsats ved brann, ulykke og andre redningsoppdrag

• Røykdykking, overflatereddar og akutthjelpar

• Systematisk øving og trening for å oppretthalde naudsynt kompetanse

• Sjåfør på utrykkingskøyretøy

• Bidra til å utvikla og oppretthalde ein god organisasjonskultur og eit godt arbeidsmiljø

• Andre oppgåver kan bli tillagt stillinga

Kvalifikasjonar:

• Vidaregåande utdanning og relevant arbeidserfaring

• Opphaldstad som gjer at ein kan halde utrykkningstida når ein har vakt.

• Bestått helsekontroll og fysisk test for røykdykkar. Dette vil innhentast i samband med rekrutteringsprosessen.

• Førarkort minimum klasse B

• Symjedyktig

• Være komfortabel med høgder og tronge rom

• Tilfredsstillande vandel frå uttømmande politiattest

• Digital kompetanse

Det er ønskeleg at du har:

•Gjennomført yrkesutdanning for brannkonstablar i samsvar med gjeldande reglar

• Erfaring frå beredskapsarbeid

• Røykdykkarkompetanse/erfaring

• Førstehjelpskompetanse

• Førarkort klasse C og BE

• Kode 160 -- utrykkingskøyring

• Båtførarbevis og erfaring med båt

Utanlandsk utdanning må vere NOKUT godkjent.

Personlege eigenskapar

Det vert lagt vekt på personlege eigenskapar, motivasjon og evne til å vere fleksibel og løysingsorientert. Ein må ha gode samarbeidsevner, kunne kommunisera godt både internt og ut mot publikum, vera praktisk anlagt og ha evne til å fokusera på oppgåver under press.

Det vert gjennomført testar av aktuelle kandidatar som ein del av rekrutteringsprosessen. Fysisk test gjennomførast i tråd med til Arbeidstilsynets krav.

Me i Fitjar brann og redning er opptekne av mangfald i arbeidsmiljøet uansett kjønn og etnisk bakgrunn. Særleg oppmodar me kvinner til å søkje, då dei er underrepresenterte i denne typen stilling hos oss.

Vi tilbyr:

• Faglege og personlege utfordringar i eit godt, trygt og inkluderande arbeidsmiljø

• Ein svært meiningsfylt jobb med eit viktig samfunnsoppdrag

• Gunstig pensjonsordning, yrkesskade- og gruppelivsforsikring

• Løn og vilkår i samsvar med lov- og avtaleverk

• Ny og moderne brannstasjon med godt utstyrt treningsrom

Andre opplysninger

For nærare opplysingar om stillingane kan og varabrannsjef Jan Tore Brückner 97552057 kontaktast.