Helsefagarbeidar - 100 % fast

Svingen og Reini bufellesskap er moderne bufellesskap, med høvesvis 11 og 2 leilegheiter og fellesareal inne og ute. Me yter tilrettelagte tenester til menneske med ulike funksjonshemmingar, i alle aldrar og med ulike trong for hjelp.

Hjå oss har den enkelte vedtak på tenester, og arbeidet vårt er å hjelpe den enkelte i ulike daglegdagse gjeremål. Det betyr alt frå pleie, omsorg og veiledning, til å bli med på ulike aktivitetar. I tenesta vår samarbeider me med fleire ulike instansar, spesialisthelsetenesta, tverrfagleg helseteneste i kommunen og ulike arbeidstiltak.

Me har eit godt arbeidsmiljø, og er ein glad gjeng som hjelper og støttar kvarandre. Me arbeider kontinuerleg for å ha eit breitt fagleg fokus og halde oss oppdaterte for å yte gode tilbod til bebuarane.

Me legg vekt på endrings- og utviklingsarbeid, med fokus på kompetanse, tverrfagleg samarbeid, og på å ta i bruk ny teknologi.

Turnus dag/kveld, med arbeid kvar 3. helg. 

Arbeidsoppgåver

• Skape gode dagar for den enkelte bebuar i høve deira ressursar og interesser 
• Ivareta den enkelte bebuar sine behov i eit livsløpsperspektiv 
• Målretta miljøarbeid og helseoppfylging hjå bebuarane   
• Utføre kliniske vurderingar og fortløpande vurdere bebuaren sin heilskaplege tilstand 
• Primær- og sekundærkontaktoppgåver
• Samarbeid med pårørande 
• Samarbeid med kollegaer, fastlege, ergo/fysio, sjukeheim, spesialisthelsetenesta m.m. 

Kvalifikasjonar

• Me søkjer primært deg med ein helsefagleg utdanning, men andre kan også søkje  
• God skriftleg og munnleg framstillingsevne, norsk kunnskap nivå B2
• Førarkort klasse B for manuelt gir

Personlege eigenskapar

• Du bidrar aktivt til eit positivt arbeidsmiljø, både fagleg og sosialt 
• Du er løysingsorientert og tek nye utfordringar 
• Du skapar gode relasjonar til bebuarar, pårørande og andre samarbeidspartnerar 
• Du er fleksibel og strukturert  
• Du kan jobbe både sjølvstendig og i team 
• Du har interesse for å ta i bruk ny teknologi
• Det er ynskeleg at du har erfaring frå helse og omsorgsarbeid  
• Personlege eigenskapar og eignaheit vil bli vektlagt 

Me tilbyr

• Tett oppfylging av eigen mentor og avdelingsleiar
• Ein jobb som betyr noko – kvar dag
• Inkluderande og fagleg sterkt arbeidsmiljø
• Varierte og spennande oppgåver
• Mogleghet for videreutdanning innan relevant fagområde
• God forsikrings- og pensjonsordning
• Aktivitetskortordning med gåvekort, og mogelegheit for å vinne flotte premiar
• Løn etter kvalifikasjonar og ansiennitet etter lokal lønsstige
• Ved tilsetjing blir det stilt krav om politiattest, jf. helse og omsorgslova § 5-4. Attesten skal ikkje vera eldre enn 3 månader og skal ikkje leverast med søknaden.

Vinje kommune er oppteken av mangfald, og ynskjer at tilsette i kommunen reflekterer mangfaldet i lokalsamfunnet. Me oppmodar alle kvalifiserte kandidatar til å søkje uansett alder, kjønn, funksjonsevne eller kulturell bakgrunn.

Kontaktinformasjon

Hjørdis Ringhus Saupstad, Avdelingsleiar Svingen og Reini, +47 97028218

Arbeidsstad

Åmotvegen 2
3890 Vinje

Nøkkelinformasjon:

Arbeidsgivar: Vinje kommune

Referansenr.: 5079557178
Stillingsprosent: 100%
Fast, Vikar
Startdato: 01.04.2026
Søknadsfrist: 22.03.2026