Menighetsarbeidar

Menighetsarbeidar i 80 prosent stilling

Det er ledig stilling som menighetsarbeidar i frå midten av august i Bjerkreim kyrkjeleg fellesråd, Bjerkreim sokn. Stillinga er i 80 prosent der 40 prosent av stillinga er fast, 40 prosent er eit vikariat med mulighet for fast stilling.

Kva vi ser etter

Vi søkjer etter ein person som er glad i barn og ungdom. Den tilsette vil ha ansvar for kyrkjeleg undervisning og læring for barn og unge opp til 18 år i regi av Bjerkreim sokn.

Personlege kvalifikasjonar og fleksibilitet, samt evne og vilje til å arbeide i team er svært viktig og vil bli vektlagt.

Vi søkjer etter ein person som

• Har gode kommunikasjons- og formidlingsevner i møte med barn og unge
• Har evne til å planlegge og arbeide sjølvstendig
• Har relevant utdanning innan pedagogikk og/eller kristendom. Personar med erfaring frå liknande stillingar eller frå anna pedagogisk arbeid kan òg søkje.
• Er personleg eigna til stillinga
• Er komfortabel med å formidle tru
• Meistrar norsk skriftleg og munnleg
• Er medlem i Den norske kyrkja

Arbeidsoppgåver

• Rekruttere og rettleie frivillige medarbeidarar og aktivt samarbeide med desse
• Delta i utvalet for kyrkjeleg undervisning og læring
• Tilrettelegge praktisk og delta i konfirmantarbeidet i nært samarbeid med soknepresten
• Ha ansvar for aktivitetar for ungdom i regi av Bjerkreim sokn, eksempelvis koordinere trafikalt grunnkurs, Kode B, Connect.
• Ha ansvar for årlege samlingar for ulike alderstrinn
• Samarbeide med skular og barnehagar om kyrkjebesøk
• Arrangere dåpsskule og ha ansvar for utdeling av bøker på familiegudstenester
• Delta på stabsmøte og gjennomføre ulike oppgåver saman med resten av kyrkjestaben

Vi tilbyr

• Fleksibel arbeidstid innanfor ramma til stillinga
• Variert og spennande jobb
• Kontorplass på kyrkjekontoret på Vikeså saman med sokneprest, diakon, sekretær/kyrkjemusikar og kyrkjeverje.
• Ordna løn- og arbeidsvilkår. Løn etter KAs tariffavtale og pensjonsordning i KLP.

Bjerkreim ligg i regionen Dalane, og kommunen har om lag 2800 innbyggarar. Vikeså er kommunesentrum. Kommunen har eit aktivt kultur-, kyrkje- og foreiningsliv og vakker natur.

Det tar ca. 25 min å køyre til Egersund, 50 minutt til Stavanger.

Bjerkreim er ein eittsoknskommune med to kyrkjer. I tillegg er det to bedehus med stor aktivitet, soknet samarbeider godt med desse. Vi har ein flott stab og ein aktiv kyrkjelyd.

Annet

• Oppstart - (helst) 17. august 2026
• Tilsetjingsform - 40% fast, 40% vikariat (med mulighet for fast tilsetjing)
• Arbeidsdagar - Ein må rekne med å arbeide både vekedagar, kveldar og helger
• Arbeidstid - Dagtid og kveld
• Utdanning - Ingen formelt fastsette krav

Politiattest må leggjast fram ved tilsetjing.

Det vil bli gjennomført intervju og referansesjekk.