Einingsleiar - Valldal-Eidsdal omsorgstenester

Vil du vere med å utvikle framtida si omsorgsteneste i Fjord kommune?
Då vår einingsleiar har gått med pensjon, søkjer ein tydeleg, engasjert og utviklingsorientert leiar til eininga Valldal-Eidsdal omsorgstenester.

Om Fjord kommune
Fjord kommune er kjend for sterk dugnadsånd, trygge lokalsamfunn og eit unikt naturmiljø der fjord og fjell møtest. Kommunen satsar aktivt på kvalitet i tenestene og eit inkluderande arbeidsmiljø, der både medarbeidarar og leiarar får høve til å utvikle seg.

Om tenesta
Valldal-Eidsdal omsorgstenester omfattar i dag:

• Institusjonsteneste - Valldal sjukeheim
• Valldal heimeteneste - heimesjukepleie og bemanna omsorgsbustader
• Eidsdal heimeteneste - - heimesjukepleie og bemanna omsorgsbustader
• Sentralkjøkken for Fjord kommune

Verksemda har i dag ei eiga leiargruppe beståande av fire dyktige teamleiarar. 

I tillegg vil Fjord habilitering frå 2027 bli ein del av eininga. Medarbeidarane i tenesta er stolte av arbeidet sitt og leverer viktige tenester til innbyggjarane våre i alle fasar av livet. Som einingsleiar får du ei sentral rolle i å vidareutvikle ei teneste i god utvikling, i tett samarbeid med dyktige teamleiarar og fagpersonar.

Arbeidsoppgåver

Som einingsleiar har du heilskapleg ansvar for:

• Fag, tenestekvalitet og vidare utvikling av tenestetilbodet
• Personal og arbeidsmiljø
• Økonomi- og ressursstyring
• God samhandling med teamleiarar, og støtte til desse i arbeid med
  • turnusplanlegging
  • rekruttering og tilsettingsprosessar
  • oppfølging av arbeidsmiljø og medarbeidarar
• Bidra til innovasjon og digital utvikling i tenesta
• Vere ein aktiv del av leiargruppa i sektoren og i kommunen som heilskap

Kvalifikasjonar

• Autorisasjon som sjukepleier og gjerne relevant leiarerfaring
• Erfaring frå fagfeltet og gjerne kommunal sektor
• God IKT-kompetanse
• God skriftleg og munnleg framtillingsevne

Ønskeleg med:

• Erfaring innan økonomiarbeid
• Eidareutdanning innan helse- og sosialadministrasjon, evt. anna relevant leiar/økonomiutdanning

Personlege eigenskapar

Vi ser etter ein leiar som:

• Er tydeleg, trygg og inkluderande
• Evnar å skape tillit og gode relasjonar
• Har god gjennomføringsevne og struktur
• Tenker løysingsorientert og strategisk
• Har eit genuint engasjement for omsorgstenester og kvalitet for innbyggjarane

Vi tilbyr

• Ei spennande og utviklingsorientert leiarstilling
• Moglegheit til å påverke og forme framtidas omsorgstilbod i Fjord kommune
• Dyktige medarbeidarar og godt samarbeid med erfarne teamleiarar
• Varierte arbeidsoppgåver og høve til leiarutvikling
• Konkurransedyktige vilkår

Kontaktinformasjon

Sindre Søvik Erstad, Kommunalsjef Helse, Omsorg og Velferd, +47 95855960

Arbeidsstad

Olavsgata 34
6210 Sylte

Nøkkelinformasjon:

Arbeidsgivar: Helse, omsorg og velferd Fjord kommune

Referansenr.: 5100462309
Stillingsprosent: 100%
Fast
Søknadsfrist: 26.04.2026