Lærer Bo og Fritid

Jæren folkehøgskule er på jakt etter ny lærar på den tilrettelagde linja vår Bo og fritid.

Kvart år har me mellom 5 og 7 elevar med utviklingshemming som fullfører eit lærerikt og minnerikt år her på skulen. Linja har to lærarar som samarbeider tett gjennom heile året.

Det me tilbyr elevane er bu-trening, lærar dei å bli meir sjølvstendige, gir litt ekstra hjelp når det trengs, øver på sosiale ferdigheiter og reiser på turar på lik linje som alle dei andre elevane på skulen. Elevane er ute på både dagsturar og utanlandsturar.

Eksempel på innhald i linjetimane:

• Å samarbeide med andre

• Å bu saman med andre

• Halde rommet ditt reint og ryddig

• Vaske/ sortere tøy

• Matlaging

• Gym

• Bruke offentleg transport

• Nytte seg av tilbod i nærmiljøet

• Pengebruk

• Ulike tema som: kostlære, hygiene, kommunikasjon, venskap og nettverk

• Litt samfunnsfag og lære om andre kulturar

Alle elevane på linja klarar morgonstell, dei styrar seg sjølv i fritida, men treng ofte litt gode råd, motiverande samtalar og trening for å bli endå betre. Elevane er i utgangspunktet med på alt som er felles for elevar som går på folkehøgskule.

Me ynskjer ein lærar med eit stort hjarte, positiv energi og som vil gle seg over å få jobbe saman med vår gjeng. Du som lærar vil i tillegg undervise elevar frå dei andre linjene i valfag som du har kompetanse i, og gjerne noko du brenn litt ekstra for. Du vil ha morgonsamling, tilsynsvakter kveld, natt og helg, laurdagstema og vere med å arrangere elevkveldar. Er dette nytt for deg, vil du få vegleiing og hjelp.

Me treng deg som vil elska folkehøgskulen, og alt det som den er. Pedagogisk bakgrunn er bra, men vernepleiarar svært aktuelt, og om du har erfaring eller kompetanse innafor arbeid med menneske med utviklingshemming.

Alle tilsette har pensjonsordning i statens pensjonskasse. Lønn etter kvalifikasjonar + ulempetillegg. Oppstart 01.08.26