Fagleiar for institusjonskjøkken ved Vik sjukeheim

Me søker kokk til 100% fast stilling som fagleiar på institusjonskjøkkenet ved sjukeheimen i Vik.

Kommunen er liten (2500 innbyggjarar), men tenkjer stort, og yter tenester i nye moderne lokale med sjukeheim, lokale til heimetenester, psykiatri, institusjonskjøkken, dagtilbod, legekontor, rehabilitering og omsorgsbustader.

Institusjonskjøkkenet i Vik er nyinnflytta i moderne lokale. Arbeidstida er dagtid måndag til fredag. Kjøkkenet leverer varm middag alle kvardagar til både sjukeheim og heimebuande, samt middagsservering kvar torsdag på Velferdssenteret. Samstundes har kjøkkenet produksjon av kok-kjøl måltid som vert servert på helg og høgtid.

Som fagleiar har ein det overordna ansvaret for den faglege utøvinga av arbeidet. Fagleiar har ansvar for internkontroll, faglege prosedyrar, oppsett av meny, oversikt over diettar, innkjøp og utarbeiding av fakturagrunnlag mm. I tillegg har fagleiar ansvar for innleige av vikar. Personalansvar inkl. sjukefråværsoppfølging ligg hjå tenesteleiar.

Kvalifikasjonskrav
Fagbrev som kokk, ernæringskokk (tidlegare institusjonskokk) eller kokk med erfaring frå arbeid på institusjonskjøkken.

Det er ein fordel med kjennskap til kok-kjølmetode, men ingen krav.

Personlege eigenskapar
Personlege eigenskapar vert vektlagt.

Løns- og tilsetjingsvilkår
Lønn etter kommunalt avtaleverk.
Kommunen har gode forsikrings- og pensjonsordningar.

Andre opplysningar
Vik kommune praktiserer meiroffentlegheit. Dersom du ikkje ynskjer at namnet ditt skal offentleggjerast, må du grunngje dette i søknaden.

Ved intern tilsetjing som fagleiar, kan øvrige kandidatar få tilbod om stilling som kokk i avdelinga.

Søknadsprosedyre
Alle søknader på ledige stillingar i Vik kommune skal registrerast elektronisk. Dokumentasjon på eventuell utdanning og erfaring må leggast ved søknaden. Dersom du treng hjelp med søknaden, kan du ta kontakt på tlf. 57 69 82 00.