Er du leiaren som skapar tryggleik, set retning og ser heilskapen?

Som funksjonsleiar hos oss får du moglegheita til å utvikle teamet, påverke fagleg retning og sørgje for at kvardagen flyt smidig – ein rolle som krev både prioriteringsevne og fagleg teft.

Du vil leie eit erfaren og engasjert team av 17 sjukepleiarar, og jobbe tett saman med legar, andre avdelingar og merkantilt personell for å sikre eit heilskapleg og trygt pasienttilbod. Som funksjonsleiar inngår du i leiargruppa ved Medisinsk avdeling og rapporterer direkte til avdelingsleiar.

Medisinsk poliklinikk, dagbehandling og dialyse Stord er ei felles eining for undersøking og behandling av pasientar som ikkje krev innlegging i sjukehus. Eininga er organisert under Medisinsk avdeling ved Klinikk for Somatikk Stord, og har høg spesialkompetanse innan hjarte-, lunge-, fordøyelses- og nyresjukdommar, diabetes, kreft og anna generell indremedisin.

Oppstart etter avtale. 

Kva går jobben ut på?

• Fag-, økonomi- og personalansvar, herunder å planleggja turnus og ressursbruk, følgja opp sjukefråvær og bidra til eit trygt og utviklande arbeidsmiljø
• Sikre kvalitet og kompetanseutvikling i tett samarbeid med fagsjukepleiar, avdelingsleiar, legar og andre avdelingar
• Ansvar for pasientlogistikk og drift av eininga
• Delta som sjukepleiar i pasientbehandlinga

Kva kompetanse er viktig i denne rolla?

• Norsk autorisasjon som sjukepleiar
• Leiarerfaring/utdanning er ønskeleg, men det viktigaste er at du evnar å ta leiarskap
• Relevant sjukepleiefagleg vidareutdanning er ønskeleg, men relevant sjukehuserfaring kan vege opp for manglande vidareutdanning
• Må kunna håndtera digitale verktøy i det daglege
• Gode språkkunnskapar er heilt avgjerande for forsvarleg pasientbehandling. Ikkje-nordiske statsborgarar må minimum ha bestått Bergenstesten eller anna norsktest på B2-nivå. Dokumentasjon må leggjast ved søknad (gjeld berre for helsepersonell)

Kva ser me etter hos deg?

Me ser etter deg som:

• erkjenner at medarbeidarane er viktige - difor leitar me etter deg som er lyttande, tilgjengeleg, som ser dei og er oppteken av å få fram det beste i kvar enkelt
• står godt i krevjande situasjonar og du arbeidar målretta for å nå måla som er sett i avdelinga og føretaket
• er lojal, positiv og deltek konstruktivt ved behov for endringar
• blir motivert av det tverrfaglege miljøet og meistrar høgt tempo
• bidreg positivt til eit fagleg og kollegialt godt miljø
• er klar for nye utfordringar

Personlege eigenskapar blir vektlagde. 

Kvifor skal du velje oss?

• Høgt fagleg nivå og kollegaer som deler kunnskap
  
• Ein leiarjobb med mykje ansvar
  
• Jobb i eit inkluderande og støttande arbeidsmiljø
• Moglegheit for deltaking i internt leiarutviklingsprogram (LUP)

Me oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Kristine Aasheim Imsland, Avdelingsleiar Medisinsk avdeling, +47 90695531, kiea@ihelse.net

Arbeidsstad

Tysevegen 64
5416 STORD

Nøkkelinformasjon:

Arbeidsgivar: Helse Fonna HF

Referansenr.: 5039695191
Stillingsprosent: 100%
Fast
Søknadsfrist: 02.12.2025