Rådgjevar-kommunikasjon, formidling og kurs

Tannhelsetenesta sitt kompetansesenter Vestland (TkVestland) har ledig eit 60 % vikariat for rådgjevar , med moglegheit for forlenging. Stillinga er knytt til stab og leiargruppe, og har ei sentral rolle i arbeidet med å formidle kunnskap, synleggjere fagmiljøa våre og utvikle faglege møteplassar.

Som rådgjevar hos oss vil du jobbe tett saman med leiarar, spesialistar, forskarar og tannhelsepersonell, og bidra til både administrativ støtte, kursverksemd og strategisk formidling. Har du lyst til å jobbe i eit stort, tverrfagleg fagmiljø med eit tydeleg samfunnsoppdrag -- då kan TkVestland vere arbeidsplassen for deg.

Om TkVestland
TkVestland er eitt av fem regionale odontologiske kompetansesenter i Noreg og ein del av Vestland fylkeskommune. Oppdraget vårt er å drive fagutvikling, forsking, rettleiing og etterutdanning i tannhelsetenesta, samt vere ei viktig tilvisingsinstans for spesialistbehandling.

Vi arrangerer jamleg kurs, fagdager og digitale tilbod, og jobbar aktivt med formidling mot både fagmiljø og brukarar.

TkVestland består av:

• forskingsavdeling
• spesialistklinikk
• tannklinikk ved Haukeland universitetssjukehus
• Avdeling for TOO

Arbeidsoppgåver

Arbeidsoppgåver

Som rådgjevar vil du mellom anna:

• utarbeide og kvalitetssikre tekstar til planar, rapportar, presentasjonar og informasjonsmateriell
• planleggje og gjennomføre fagdager, kurs, samlingar og webinar
• vere kurskoordinator for interne og eksterne arrangement
• bidra til produksjon av film, webinar og digitalt læringsinnhald
• arbeide med strategisk og operativ kommunikasjon internt og eksternt
• samarbeide tett med fagpersonar, forskarar og eksterne samarbeidspartnare
• bistå leiargruppe og stab med administrative og koordinerande oppgåver

Kvalifikasjonar

Kvalifikasjonar

• relevant høgare utdanning , (dersom det er søkjarar som ikkje setter dei formelle krava til rådgjevar-tittel (dvs. master, vert tittelen konsulent), gjerne innan administrasjon, kommunikasjon, formidling eller pedagogikk
• relevant erfaring kan kompensere for formell utdanning
• god skriftleg og munnleg framstillingsevne pånorsk og engelsk
  (administrasjonsspråket i Vestland fylkeskommune er nynorsk)
• erfaring med planlegging og gjennomføring av kurs, arrangement eller digitale møte er ein fordel
• god digital kompetanse og interesse for nye formidlingsformer

Personlege eigenskapar

Personlege eigenskapar

Vi ser etter deg som kjenner deg igjen i verdiane våre -- open, kompetent og modig . Du er strukturert og sjølvstendig, med god gjennomføringsevne, og kommuniserer tydeleg i samarbeid med andre. Du trivst med ein variert arbeidskvardag som kombinerer både operative oppgåver og planlegging, og har ein tydeleg interesse for formidling og utviklingsarbeid.

Vi tilbyr

Hos oss får du:

• ei spanande stilling i eit aktivt og kompetent fagmiljø
• varierte arbeidsoppgåver med reell moglegheit for påverknad
• gode høve for fagleg utvikling
• løn og arbeidsvilkår i samsvar med gjeldande avtaleverk
• gode pensjons- og forsikringsordningar
• Stillinga kan innebere noko utadretta verksemd og reise i samband med arrangement.