Seniorkonsulent (20 %): Koordinator for medverknad i kunnskapsklynga Polyfon

Kunnskap som formar samfunnet

UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.

Video: https://youtu.be/M5n6RnScNgA

Seniorkonsulent 

Ved Fakultet for kunst, musikk og design er det ledig fast 20 % stilling som seniorkonsulent knytt til koordinering av brukar- og pårørandemedverknad i Polyfon kunnskapsklynge for musikkterapi, med ønska oppstart så snart som mogleg.

Om stillinga 

Som seniorkonsulent inngår du i ein administrasjon på i underkant av 30 medarbeidarar fordelte på 4 administrative område. Seniorkonsulenten rapporterer direkte til fakultetsdirektør. Dagleg arbeidsleiing er lagt til leiar for kunnskapsklynga Polyfon. Arbeidsstad vil vere Griegakademiet sine lokale, som i dag er i Lars Hilles gate. Meir informasjon om KMD finn du på nettsida vår: http://www.uib.no/kmd/.

Polyfon kunnskapsklynge for musikkterapi 

Polyfon byggjer eit nasjonalt, tverrfagleg samarbeid, med vekt på samskaping for musikk, helse og samfunnsdeltaking. Kunnskapsklynga arbeider for å etablere meir likeverdig tilgang til musikkterapi i Norge, i tråd med eksisterande forsking, nasjonale faglege retningslinjer og brukarane sine behov og ønske. Arbeidsfelta i klynga er varierte, med vekt på både musikkaktivitet som ressurs for folkehelse og samfunnsdeltaking og musikkterapi som helsehjelp og behandling innan felt som Barn og unges oppvekst, Rus og psykisk helse og Eldrehelse.

Samarbeidet spring ut av dei fremste fagmiljøa i musikkterapi / musikk og helse i Noreg og støttar og stimulerer informasjonsarbeid/formidling, tenesteutvikling, forsking og utdanning. Samarbeid med nasjonale kompetansemiljø og brukarorganisasjonar er vektlagd. Det er per i dag ca. 20 klyngedeltakarar, frå akademia, spesialisthelsetenesta, kommunesektoren og andre sektorar (m.a. statleg barnevern). I perioden 2026-2028 arbeider Polyfon med eit stort eksternfinansiert prosjekt (OPPTAKT), der klynga byggjer opp knutepunkt i Bergen, Kristiansand og Oslo. Polyfons Erfaringspanel vil ha medlemmar frå alle desse tre regionane og ein god del av kommunikasjonen i panelet vil skje digitalt. Meir informasjon om kunnskapsklynga finn du på Polyfon si nettside: Polyfon kunnskapsklynge for musikkterapi | Universitetet i Bergen. Meir informasjon om Erfaringspanelet finn du her: https://www.uib.no/polyfon/152973/polyfons-erfaringspanel.

Arbeidsoppgåver:

Som koordinator for brukar- og pårørandemedverknad i Polyfon, vil seniorkonsulenten vere ein integrert del av kunnskapsklyngas sekretariat, som per i dag også omfattar ein fagleg leiar, ein administrativ koordinator og ein frivillig rådgjevar. Sentrale arbeidsoppgåver vil vere:

• Saksbehandling, utrednings- og utviklingsoppgåver 
• Setje brukar- og pårørandeperspektivet i fokus i klyngesamarbeidet 
• Bidra til at det blir lagt til rette for brukarmedverknad i klyngas arbeid med informasjon, tenesteutvikling, forsking og utdanning 
• Støtte og koordinere arbeidet i Polyfon sitt Erfaringspanel 
• Etablere kontakt og samarbeid med aktuelle erfaringskonsulentar og brukar- og pårørandeorganisasjonar 
• Produsere innhald for nettside og sosiale medium

Kvalifikasjonar og eigenskapar:

• Søkjarar må normalt ha utdanning minimum på bachelornivå. Utdanning på masternivå er ein fordel, men ikkje eit krav 
• Relevant praksis kombinert med relevant etter- og vidareutdanning kan kompensere for manglande formell utdanning 
• Kjennskap til brukarperspektiv og erfaring med brukararbeid frå tenestene innan eitt eller fleire av Polyfons arbeidsfelt.
• Ønskeleg med erfaring frå organisert brukar- og pårørandemedverknad 
• Annan relevant arbeidserfaring 
• Gode norskkunnskapar og gode nok engelskkunnskapar 
• Saksbehandlarkompetanse er ein fordel, men ikkje eit krav 
• Grunnleggande datakunnskapar 
• Det er ein fordel om du er fortruleg med bruk av sosiale medium / har god forståing for og er trygg i bruk av sosiale medium

Personlege eigenskapar 

Personlege eigenskapar som er naudsynte for stillinga vil bli vektlagt.

• Open, inkluderande og tolerant
• Gode evner til å samarbeide
• Gode evner til å kommunisere skriftleg og munnleg 
• Evne til å arbeide sjølvstendig og strukturert 
• Er fleksibel, engasjert og løysingsorientert 
• Kan formidle erfaringar sett frå eit brukar- og/eller pårørandeperspektiv

Vi kan tilby:

• Opplæring og rettleiing 
• Varierte og utfordrande arbeidsoppgåver i eit spanande og internasjonalt fagmiljø i samarbeid med fagmiljø og brukarrepresentantar hos dei ulike klyngedeltakarane 
• Løn som seniorkonsulent etter årsløn 586 100 - 630 000 (i 100% stilling). For særs kvalifiserte søkjarar kan høgare løn vurderast
• Medlemsskap i Statens pensjonskasse
• Gode velferdsordningar

Søknaden skal innehalde:

• Søknadsbrev (400-500 ord) der du seier noko om kvifor du søkjer og kvifor du passar til stillinga 
• CV 
• Vedlegg i from av attesterte kopiar av vitnemål og relevante attestar 
• To referansar (namn og kontaktinformasjon)

Generell informasjon:

Utfyllande opplysningar om stillinga kan ein få ved å vende seg til: Fakultetsdirektør Eli Neshavn Høie, e-post: eli.hoie@uib.no, tlf: 55 58 32 27, eller til fagleg leiar for kunnskapsklynga Polyfon, professor Brynjulf Stige, e-post: brynjulf.stige@uib.no, tlf: 97 16 97 46.

Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju.Nærare om tilsettingsprosessen her.