Optikar/ortoptist

Augeavdelinga ved Førde sentralsjukehus har ledig eit vikariat i 100% stilling for optikar/ortoptist.
Arbeidsperiode: snarast og fram til 31.01.2027. 

Augeavdelinga har 9 legestillingar, 2 optikarar og 10,5 sjukepleiarar. Vi har høg poliklinisk aktivitet innan alle delar av augefaget, i tillegg til omfattande kirurgisk aktivitet.

Vi har engasjerte og dyktige medarbeidarar, og eit godt arbeidsmiljø. 

Du kan lese meir om Førde og kva området har å tilby: Sunnfjord kommune

Arbeidsoppgåver

• Stillinga inneber arbeid som optikar /ortoptist ved augepoliklinikk. Ein samarbeider tett med optikar, lege og sjukepleiar  
• Arbeidet består i synsundersøkingar av barn, særskilt retta mot samsyn, strabisme og amblyopi
• Tilpassing av synshjelpemidlar/briller til barn og voksne
• Utmålingar av toriske og monofokale intraokulære linser , og etterkontroller av opererte pasientar.
• Tilpassing av kontaktlinser, bl.a keratokonus-linser
• Optikar/ortoptist  vil ta del i diverse oppgaver ved poliklinikken som forundersøking av pasientar, undersøkingar med corneatomograf, foto-/fundusfoto, ultralyd, perimetri og OCT
• Utføre sjølvstendige kontrollar av pasientar som er eigna for optikar /ortoptist.
• Ein inngår i eit tverrfaglig team med sjukepleiar, optikar og lege
• Optikar/ortoptist deltek aktivt i avdelinga si internundervisning.
• God opplæring vil bli gitt
• Nye arbeidsoppgaver kan kome til i form av oppgavglidning, ny teknologi

Kvalifikasjonar

• Utdanning og autorisasjon som optikar med kontaktlinsekompetanse
• Alternativt: Utdanning og autorisasjon som ortoptist.
• Det vektleggast at optikar har masterutdanning  evt. ortoptist kompetanse
• Tidligare arbeidserfaring
• Gode kunnskapar i norsk både munnleg og skriftleg

Personlege eigenskapar

• Du behandlar pasientar profesjonelt og empatisk, er imøtekommande og viser respekt
• Du har god fagleg vurderingsevne, arbeider målretta og strukturert
• Du må kunne arbeide godt både sjølvstendig og i team 
• Du har engasjement for fagfeltet/pasientgruppa og ønskjer å vidareutvikle kompetansen din 
• Du evner å tilpasse og formidle kompleks informasjon til pasientar, pårørande og andre samarbeidspartnarar
• Du tilpassar deg lett og er løysningsorientert og fleksibel 

Vi tilbyr

• Løn etter tariff  
• Spennande arbeidsoppgåver i eit lærerikt og godt arbeidsmiljø
• Gode arbeidstider
• Gode pensjons- og forsikringsordningar
• Ein arbeidsplass som er ei inkluderande arbeidslivsbedrift (IA-bedrift) 

 

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Andreas Dahl, Avdelingssjef, (+47) 578 39 148

Arbeidsstad

Svanehaugvegen 2
6812 Førde

Nøkkelinformasjon:

Arbeidsgivar: Helse Førde

Referansenr.: 5072975107
Stillingsprosent: 100%
Vikariat
Sluttdato: 31.01.2027
Søknadsfrist: 16.02.2026