Ei nøkkelrolle tett på leiing, drift og menneske, med ansvar for å utvikle og samordne HR-arbeidet i konsernet

Som HR-leiar i Firda Billag får du ei sentral rolle i vidareutvikling av konsernet sitt arbeid med leiing, organisasjon og medarbeidarar. Stillinga er nyoppretta og etablert som ein del av konsernet si satsing på å styrke og samordne HR-arbeidet på tvers av selskapa.

Du rapporterer til administrerande direktør og arbeider tett saman med konsernleiinga i strategiske og operative spørsmål knytt til leiing, organisasjon og arbeidsgivaransvar.

HR-arbeidet er i dag organisert som ei sjølvstendig rolle, noko som gir deg eit breitt ansvar og gode moglegheiter til å forme og vidareutvikle struktur, arbeidsmåtar og prioriteringar i tett samarbeid med leiinga og selskapa i konsernet.

Rolla kombinerer strategisk utviklingsarbeid med operativ oppfølging i kvardagen. Du vil bidra til å vidareutvikle konsernfelles praksis, etablere gode prosessar og styrke leiarane i utøvinga av arbeidsgivaransvaret. Samstundes vil du vere ein sentral rådgjevar i rekruttering, kompetanseutvikling, organisasjonsutvikling og oppfølging av personalsaker.

Vi søkjer deg som trivst i spennet mellom heilskapleg utviklingsarbeid og praktisk gjennomføring, og som blir motivert av å skape gode løysingar tett på drift og menneske i eit konsern med sterke fagmiljø og lange tradisjonar.

Dine hovudmål

• Etablere felles struktur og retning for HR-arbeidet i konsernet
• Styrke leiarane gjennom tydeleg og effektiv HR-støtte i ein driftstung kvardag
• Bidra til eit arbeidsmiljø prega av samarbeid, nærvær og godt partssamarbeid

Ansvarsområde

• Utvikling og forvalting av konsernet sitt samla HR-arbeid, inkludert konsernstandardar, rutinar og praksis
• Overordna ansvar for rekruttering og bemanning i konsernet
• Støtte og utvikle leiarar gjennom rådgiving, leiarstøtte og kompetansebygging
• Ansvar for arbeidsmiljø, nærvær/sjukefråvær, HMS-relaterte prosessar og personalsaker
• Sikre korrekt og praktisk etterleving av tariffavtalar, partsamarbeid, arbeidstid, turnus og arbeidsmiljølova
• Samarbeid med tillitsvalde og verneteneste, samt relevante eksterne partar som BHT og NAV

Arbeidsoppgåver

I denne rolla vil du mellom anna:

• Utvikle HR-strategi, rutinar og konsernfelles praksis, og sikre at dette fungerer godt i ein driftsnær kvardag
• Vere fagleg rådgjevar og støtte i personalsaker og arbeidsrettslege spørsmål gjennom heile medarbeidarreisa
• Vidareutvikle og kvalitetssikre rekrutteringsarbeidet i konsernet
• Arbeide systematisk med arbeidsmiljø, nærvær og sjukefråvær
• Sikre godt partssamarbeid med tillitsvalte og verneombod
• Ha ansvar for tariffoppfølging, førebuing og gjennomføring av lokale forhandlingar og lønnsoppgjer
• Vere overordna kontaktpunkt mot NAV og samarbeidspartnarar som BHT
• Nyttiggjere HR-data, rapportering og analysar som støtte for leiing, prioriteringar og vidare utvikling

Kvalifikasjonar

Vi ser etter deg som har:

• Relevant høgre utdanning innan HR, leiing, organisasjonsutvikling eller tilsvarande
• Erfaring frå bredt HR-arbeid, med kombinasjon av strategisk utvikling og praktisk gjennomføring
• God kjennskap til norsk arbeidsliv og relevant regelverk
• Tryggleik i rolla som rådgjevar for leiarar i personalsaker arbeidsrettslege spørsmål
• God forståing for samanhengen mellom menneske, drift og resultat

Det er ein fordel om du har erfaring frå tariffbunden verksemd og partssamarbeid, og trivst i miljø der drift, turnus og bemanningsbehov set rammene for HR-arbeidet.

Personlege eigenskapar

Du er ein person som:

• Er trygg, tillitsskapande og tydeleg i rolla
• Har god rolleforståing og høg integritet i møte med både leiing og medarbeidarar
• Kommuniserer klart og presist, både munnleg og skriftleg
• Handterer fleire parallelle oppgåver og gjer gode prioriteringar i ein hektisk kvardag
• Trivst med ansvar og samarbeid på tvers av fagmiljø og selskap
• Er utviklingsorientert og opptatt av kontinuerleg forbetring

Vi tilbyr

• Ei nøkkelrolle med stor påverknad på utvikling og retning
• Tett samarbeid med leiing og styre
• Varierte og utfordrande arbeidsoppgåver
• Eit inkluderande og engasjert arbeidsmiljø

Spørsmål om stillinga

Trine Solheim
Konstituert administrerande direktør

☎︎ 47 62 26 27 | trine.solheim@firda-billag.no