Vil du vere den som gjer natta trygg?

Er du helsefagarbeidar/hjelpepleiar,  - og trivst med sjølvstendig arbeid og meiningsfulle oppgåver? Då kan dette vere stillinga for deg. Har du anna relevant utdanning eller interesse for fagfeltet, oppmodar vi deg også til å søkje.

Vi har no ledig 100% fast stilling på natt, med oppstart 1.august.

Å jobbe natt i heimetenesta betyr å vere ei viktig støtte for menneske som ønskjer å bu heime - også når mørket fell på. Du møter menneske i ulike livssituasjonar, og di rolle blir å skape tryggleik, gje naudsynt helsehjelp og bidra til meistring i kvardagen.

Nattevaktene jobbar sjølvstendig og er ute hjå pasientar i området Sandane/Breim. Arbeidet inneber:

Heimebesøk gjennom natta, uansett ver og føre

Oppfølging av pasientar med behov for tilsyn og helsehjelp

Bidrag til at innbyggjarane kan bu trygt heime lengst mogleg

Du må like å køyre bil, då det vert ein del køyring i løpet av vakta. Tenesteområdet strekker seg rundt Gloppefjorden, frå Hestenesøyra- Sandane- Anda- Breim

 

Arbeidsoppgåver

• Ivareta og gje omsorg og pleie til brukarar i
  omsorgsbustadar og i heimane som personleg hygiene og ernæring.
• Kveldsstell og morgonstell
• Administrering av medisin
• Betene tryggleiksalarmar
• Terminalpleie
• Samarbeid med pasient og pårørande
• Samarbeid med lege/legevakt

Kvalifikasjonar

• Godkjent utdanning som helsefagarbeidar/hjelpepleiar, eller anna relevant utdanning.
  
• Gode norskkunnskapar, både skriftleg og munnleg
• Førarkort for personbil 

Personlege eigenskapar

• Har god fagleg forståing, er trygg i rolla som fagutdanna og kan jobbe sjølvstendig og ta ansvar.
• Du bidreg til eit godt samarbeidsklima, er fleksibel og løysingsorientert.
• Kan arbeide effektivt og samstundes levere god kvalitet på tenestene.
• Kjennskap til kvardagsmeistring som metode.
• Likar å køyre bil.
• Vi ønskjer ein person med godt humør som trivast med utfordringar og varierte arbeidsoppgåver på natt.

Vi tilbyr

• Lokalt tillegg på natt
• Meir fleksibel kvardag med fleire fridagar (praktisk for dei som studerer eller ynskjer dag-/ettermiddagar til andre kjekke aktivitetar)
• Trivlege kolleager og godt arbeidsmiljø,størstedelen av vakta jobbar ein to saman
• En spennande og lærerik arbeidsplass
• Meir ro og fokus til å utføre arbeidsoppgåvene utan mange avbrytlesar frå telefonar og anna informasjonsformidling
• Fagutvikling gjennom e-kurs og liknande
  
• Tilsetting, lønn og arbeidsvilkår i samsvar med gjeldande lovverk, reglement og tariffavtale. 

For tilsetting gjeld ei prøvetid på seks månader.
Det må leverast politiattest før tiltreding.

Kontaktinformasjon

Cecilie M. Helgheim, Tenesteleiar heimetenesta, +47 472 60 601

Arbeidsstad

Grandavegen 9
6823 Sandane

Nøkkelinformasjon:

Arbeidsgivar: Gloppen kommune

Referansenr.: 5121012051
Stillingsprosent: 100%
Fast
Søknadsfrist: 04.06.2026