Spennande prosjektstilling i Naturvernforbundet Sogn og Fjordane
Naturvernforbundet I Sogn Og Fjordane
Vestland
Om jobben
Naturvernforbundet i Sogn og Fjordane, ved fylkesstyret, fire lokallag og over tusen medlemmar, jobbar for å verne den vakre naturen vi har i fjordfylket. Vi søkjer etter ein initiativrik og engasjert medarbeidar og prosjektkoordinator til å drive fram aktivitet i regionen.
- Oppstart
- Etter avtale
- Stillingstittel
- Prosjektassistent
- Type ansettelse
- Prosjekt, deltid 50%
- Arbeidstid
- Dagtid og kveld, alle dager
Søk på jobben
Søk senest søndag 19. juli
Hva vi ser etter
Ønska kvalifikasjonar:
-
Engasjement og interesse for natur- og miljøvern
-
Erfaring frå prosjekt og organisasjonsarbeid, og/eller frivillig arbeid
-
Gode norskkunnskapar, både munnleg og skriftleg
-
Evne til å jobbe sjølvstendig og strukturert
-
God samarbeids- og kommunikasjonsevne
-
Grunnleggande forståing for økonomi
-
Digital kompetanse og kjennskap til sosiale media
-
Ei relevant utdanning er ønskeleg, men erfaring vil kunne vege opp for dette
-
Førarkort klasse B og tilgang på egen bil
Arbeidsoppgaver
Stillinga er ei eittårig prosjektstilling i 50%, der den tilsette vert prosjektleiar for eit av organisasjonen sine prosjekt. Kva prosjekt dette blir vert avklara i intervjuprosessen og i samråd med andre tilsette, der søkjar vil få moglegheit med å kome med ønske. Det er moglegheit for forlenging og/eller utviding av stillinga dersom ein får sikra meir prosjektmidlar i tilsettingsperioden. Det er ønskjeleg med snarleg oppstart.
Per no har Naturvernforbundet Sogn og Fjordane følgande prosjekt:
-
Frivillig rydding av marin forsøpling
-
Andregongstenesta -- strandrydding med eldre
-
PUST SFj -- redusert forbruk og plastbruk
-
Skogglede -- inkl. artsklubben i Sunnfjord
-
Oppdrag blomstereng
(Sjå nettsida vår eller kontakt prosjektansvarleg for meir info om prosjekta)
Då mykje av aktiviteten til organisasjonen gjennomførast i samarbeid med frivillige, må ein medrekne noko arbeid på kveldstid og i helger, men hovuddelen av arbeidet vil vere innanfor normal kontortid.
I tillegg til prosjektarbeid vil den tilsette òg få høve til å ha ei rolle i det andre arbeidet i Naturvernforbundet i Sogn og Fjordane, og kunne bidra etter kompetanse på ulike saksfelt.
Den tilsette må ha tilhald i Sogn og Fjordane, men er fleksibel på kva kommune du vil ha kontorplass. Per i dag har organisasjonen tilsett med kontorplass i Sogndal.
Lønn etter kompetanse og avtale. Vi har gode pensjons- og forsikringsordningar og kan tilby ein fleksibel arbeidskvardag med gode avspaseringsordningar og fleksitid.
Stillinga inneber følgande oppgåver:
-
Prosjektleiing - ha ansvar for eitt av fylkeslaga sine prosjekt inkl. organisering av aktivitet i samarbeid med andre tilsette og frivillige i lokal- og fylkeslag, skrive prosjektsøknader og rapportere på prosjektmidlar.
-
Lage innhald til nettside, magasin og sosiale media
-
Søke om prosjektstøtte for vidareutvikling av prosjekt, eller oppstart av nye prosjekt
-
Vere ein sparringspartnar i organisasjonen sitt miljøpolitisk arbeid
Vi tilbyr
-
Moglegheit til å jobbe mot ei bærekraftig og naturvenleg framtid
-
Lønn etter kompetanse og avtale
-
Gode pensjons- og forsikringsordningar
-
Gode moglegheiter til å forme eigen arbeidskvardag.
-
Kontorplass ein stad i Sogn og Fjordane.
-
Moglegheit til reising i jobben (i hovudsak i Sogn og Fjordane).
-
Fagmiljø og fellesskap gjennom Naturvernforbundet sentralt og med fylkesstyret.
-
Samarbeid med andre organisasjonar med samanfallande interesser.
-
Moglegheit for utviding av stilling dersom finansiering kjem på plass.
Kontaktperson for stillingen
Om bedriften
Naturvernforbundet er Noreg sin største natur- og miljøvernorganisasjon, og har omlag 40 000 medlemmar. Vi står på for miljøet for å hindre inngrep og ureining av den flotte naturen vi har her i fylket, både fjell, fjord og alt imellom. Nokon må snakke for naturen der gravemaskiner, gruveselskap, utbyggjarar og ukunne rår.
Naturvernforbundet i Sogn og Fjordane har hatt stor medlemsvekst den siste tida, dei nye medlemmane må vi ta vare på og engasjere til kamp for naturen. I Sogn og Fjordane arbeider vi mykje med å hindre naturtap som er planlagd og skjer, i form av utbygging av industri og næring i sårbare og unike naturområder. Vi jobbar med rydding av søppel og spreiing av kunnskap, i form av mindre og større ryddeaksjonar, arrangement med debatt og foredrag og turar med fagleg innhald, eller berre for å oppleve rein naturglede!
Sektor
Privat
Del annonsen
Annonsedata
Rapporter annonse- Stillingsnummer
4a94bcd6-4e8a-419f-8ac8-600a5c84c590
- Sist endret
29. mai 2026
- Hentet fra
Stillingsregistrering
- Referanse
4a94bcd6-4e8a-419f-8ac8-600a5c84c590