Austevoll kommune søker engasjert byggesaksrådgjevar.

Om arbeidsstaden

Samfunnsutvikling er ein sektor med om lag 35 tilsette og blir leia av kommunalsjef. I denne sektoren inngår arealplan, byggesak, eigedom, veg og drift, brann og redning, beredskap, kultur, idrett og frivilligheit og utbyggingsprosjekt.

Eininga plan og byggesak er leia av byggesakssjef. Eininga arbeider med fagområda bygge- og delesaker, tilsyn, oppmåling, matrikkel og forureining.

Om stillinga

Austevoll kommune har ledig ein midlertidig stilling som byggesaksrådgjevar. I tett samarbeid med engasjerte kollegaer vil du bidra til effektivisering av kommunen sine tenester og fremme tverrfagleg samhandling. Som byggesaksrådgjevar vil du vere med på å gje innbyggarane god service og rettleiing, og sikre kvalitet og effektivitet i behandlinga av byggesaker.

Vi søker engasjerte og kvalifiserte personar med utdanning på relevant masternivå og ei genuin interesse for byggesaksbehandling. Personar med realkompetanse med lang erfaring innanfor fagområdet kan og være aktuelle. I teamet vårt kan du ta del i spennande oppgåver som synfaring, tilsyn, rettleiing av publikum, dialog med utbyggarar og andre mynde, matrikkelføring, samt førebuing og rapportering til politisk utval.

Dette er ein arbeidstad kor du kan gjere ein reell forskjell og bli ein del av kommunen sitt viktige arbeid med å skapa ei betre framtid for Austevoll samfunnet.

Ansvars- og arbeidsoppgåver

• Behandle byggesaker og dispensasjonar etter plan- og bygningslova
• Behandle løyve til utslepp etter forureiningslova
• Behandle seksjonering etter lov om eierseksjonar
• Behandle delesaker etter plan- og bygningslova.
• Tilsyn med byggesaker og oppfølging av ulovlegheiter
• Råd og rettleiing til publikum
• Tverrfagleg samhandling med andre fagområde i kommunen
• Førebuing av saker til politisk behandling

Kvalifikasjonskrav

Kvalifikasjonskrav

• Utdanning på relevant masternivå. Dette kan for eksempel vere studium innan byggingeniør, landmåling, jus, arkitektur, miljø- og naturforvaltning og samfunnsfag. Realkompetanse gjennom lang erfaring innan fagområdet kan erstatte formell utdanning.

• God munnleg og skriftleg framstillingsevne på norsk. Skriftspråket er nynorsk.

• Førarkort klasse B

• Internasjonale gradar må vere godkjent av NOKUT.

  Ønskeleg med

• Kjennskap til plan- og bygningslova, med tilhøyrande forskrifter

• Kjennskap til offentleg forvaltning

• Relevant arbeidserfaring frå saksbehandling

Personlege eigenskapar

• Sjølvstendig og strukturert
• Løysingsorientert og har gjennomføringsevne
• Har gode kommunikasjons- og samarbeidsevner, men trivs også med sjølvstendig arbeid
• Lære- og samarbeidsvillig
• Positiv og har evne til å bidra til eit godt arbeidsmiljø
• Samfunnsengasjert
• Søkar må vere personleg eigna

Personleg eignaheit vil bli vektlagt.

Vi tilbyr

• God opplæring og rettleiing
• Ei spanande rolle og moglegheit til å ha ein sentral rolle i utviklinga av lokalsamfunnet
• Varierte, spanande og samfunnsnyttige oppgåver
• Moglegheit for fagleg utvikling i eit godt og positivt fagmiljø
• Spanande utfordringar
• Løn etter kvalifikasjonar
• Delvis heimekontor
• Fleksibel arbeidstid
• Gode pensjons- og forsikringsordningar

Slik søker du

Send søknad og CV ved å klikke på knappen merka "Søk stilling" på denne sida.

Det er søkar sitt ansvar å sørge for at alle relevante vedlegg er lagt inn innan fristen, som for eksempel attester og vitnemål. Dersom vitnemål, karakterutskrifter eller annan dokumentasjon ikkje er på eit skandinavisk språk eller engelsk, må søkar sjølv laste opp attesterte omsettingar.

Ikkje send søknad på e-post til enkeltpersonar i kommunen.

Vi gjer merksam på at i følge offentleglova § 25, 2. ledd kan opplysningar om søkaren bli offentleggjort sjølv om søkaren har oppmoda om ikkje å bli ført opp på offentleg søkarliste. Søkaren vil alltid bli varsla på førehand dersom søkarlista blir offentleggjort.