ID 2401 Aspirantar - Stord brann og redning

Stord brann og redning har i dag eit brannvesen med dagkasernert personell innanfor ordinær arbeidstid, og deltidsorganisert utover dette. Eininga har ein førebyggande avdeling og ein beredskapsavdeling. Hovudstasjon ligg i Leirvik sentrum og eit depot på Huglo. Det er i dag 12 fast tilsette ved hovudstasjonen samt 24 deltidstilsette.

Stord har om lag 19 287 innbyggarar. Beredskapen er organisert som dagkasernert/deltids brannvesen med fast vaktteneste. Det er etablert 4-delt overordna vakt.

Me søkjer etter aspirantar med oppstart 01.03.2026.

Arbeidsoppgåver:

Aspirantar vil gjennomgå ein introduksjonsperiode med intensiv opplæring som vil gå føre seg i ein periode over tre månader. Etter introduksjonsperiode vert det ein utsjekk før ein følgjer ei fadderordning i 18-21 månader der aspirantane følgjer vaktlaga sine øvingar (10-15 øvingar pr. år)og vert løna time for time. Når opplæringsperiode er ferdig, vil det gjennomførast utsjekkar for å kvalifisere seg til å gå vakter i brannvesenet. Aspirantane vil gjennom opplæringsperioden vera kvalifisert til NBSK grunnkurs deltid, og må gjennomføre dette ved ledig kapasitet

Ynskja kvalifikasjonar og utdanning

• Me søkjer etter personar med plettfri vandel som har førekort kl. B-C, fagbrev/relevant utdanning, god fysisk form og har bustad innan 4-5 minuttar frå brannstasjonen.

• Naudsynt opplæring/utdanning vert gitt etter tilsetjing.

• Det er i utgangspunktet ikkje ynskeleg å tilsette personar som inngår i anna vaktordning eller turnusordning.

Ønska personlege eigenskapar

• Må kunna arbeide sjølvstendig og i team.

• Vere lojal, ryddig, utadvendt, løysingsorientert og praktisk anlagt.

• Personlege eigenskapar vil verta vektlagd ved tilsetting.

Generelle vilkår

• Den som blir tilsett må ha bustad i nærleik 4--5 minutt til brannstasjon og være villig til å gjennomføre den opplæring som er nødvendig.

• Brannstasjonen har på kvardagar dagkasernert beredskap i tidsrommet kl. 08.00 -- 15.30 og deltidsmannskap har difor ikkje vakt i dette tidsrommet.

• Søkjar må ha hovudarbeidsgjevar si godkjenning for å gå i firedelt vaktordning.

• Før tilsetting må politiattest, samt dokumentasjon på tilfredsstillande helse leggast frem. Fysisk test må gjennomførast.

• Det vert kravd førarkort klasse B for stillinga.

• Det er ynskjeleg med klasse C og førarkort for utrykkingskøyretøy (kode 160). Førarkort for utrykkingskøyretøy inngår i opplæringa etter nærare avtale.

Tilsetting skjer på dei vilkår som går fram av gjeldande lover, reglement og tariffavtale.

Aktuelle søkjarar vil bli innkalla til intervju. Kopi av vitnemål og attestar leverast under intervju.

For nærare opplysningar om stillinga kontakt brannsjef Jan Ove Anthun 97552053 eller beredskapsleiar Frode Lillerud 97552052