Vikariat undervisningsstilling i faga engelsk, samfunnskunnskap, religion, naturfag, geografi og kroppsøving.

Eid vidaregåande skule har ca. 330 elevar fordelt på fem utdanningsprogram, og ca. 70 tilsette og er ein framtidsretta skule som ligg idyllisk til midt i Nordfjord-regionen, omkransa av vakker natur. Skulen tilbyr eit variert spekter av utdanningstilbod:
- Studiespesialiserande
- Påbygg til generell studiekompetanse
- Helsefag med studiekompetanse
- Elektro og datateknologi
- Teknologi og industrifag
- Frisør, blomster, interiør og eksponeringsdesign
- Nettbasert tilbod - påbygg til generell studeikompetanse for vaksne

Har du utdanning og erfaring frå undervisning innan eit eller fleire av faga engelsk, samfunnskunnskap, religion, naturfag, geografi og kroppsøving? Då er kanskje eit vikariat som lærar ved Eid vidaregåande skule vere staden for deg.

Arbeidsoppgåver

Undervisning på studiespesialiserande i programfag og fellesfag, og undervisning i fellesfag på yrkesfaglege utdanningar.
2 stillingar med inntil 100% stilling kvar - vikariat undervisning i faga engelsk, samfunnskunnskap, religion, naturfag, geografi og kroppsøving. 

Vikariata vil vare til 31.07.2026, og til 31.12.2026.

Kvalifikasjonar

Du må ha minst 60 studiepoeng i relevante fag. Det er ein fordel om du har erfaring frå vidaregåande opplæring og med kontaktlærararbeid.

Personlege eigenskapar

Du må like ungdom, vere fleksibel og strukturert.
Du må ha evnen til å sjå det beste i elevane og får dei til å ville ta ut sitt potensiale.
Samarbeidsevne og teamjobbing er ein viktig del av jobben.
God på klasseleiing og god relasjonskompetanse.
Du har evne og vilje til å planlegge, gjennomføre og å evaluere undervisninga både sjølvstendig og i samarbeid med andre.

Vi tilbyr

Trygt og godt arbeidsmiljø.
Løn etter offentleg regulativ i samsvar med utdanning og praksis.
Gode forsikrings- og pensjonsordningar.

Vilkår

Godkjend politiattest av nyare dato er eit vilkår for å verte tilsett i vidaregåande skule.
Alle nytilsetjingar vert gjort med ei prøvetid på 6 månadar.
Administrasjonsspråket i Vestland fylkeskommune er nynorsk.

Vi gjer merksam på at i følgje offentleglova § 25, 2. ledd kan opplysningar om søkjaren bli offentleggjort sjølv om han har bede om å ikkje verte ført på offentleg søkjarliste. Dersom du har bede om slikt unntak vil du alltid bli varsla før søkjarlista vert offentleggjort.

Kontaktinformasjon

Cecilie Bjørlo, avdelingsleiar, 90662156
Alf Reidar Myrstad, rektor, +47 90962632

Arbeidsstad

 

Nøkkelinformasjon:

Arbeidsgivar: Vestland fylkeskommune

Referansenr.: 5056617561
Stillingsprosent: 100%
Vikar
Startdato: 01.02.2026
Søknadsfrist: 11.01.2026