Ledig årsvikariat som rektor/driftssjef i 100% stilling

Ålfoten oppvekstsenter har ledig eit vikariat som rektor/driftssjef i 100% stilling, frå 05.01.26-31.07.26. Som driftssjef ved Ålfoten oppvekstsenter vil du ha det overordna ansvaret for Ålfoten barnehage og Ålfoten skule. Den som vert tilsett må vere handlekraftig og god til å sette seg inn i dei allsidige arbeidsoppgåvene ei oppvekstleiarstilling inneber.

Vi søker etter ein driftssjef som har evne til å skape tillit, motivere og inspirere og som har stor arbeidskapasitet. Du må ha godt humør og vere ein pådrivar i skulen sitt utviklingsarbeid både fagleg og sosialt i tråd med sentrale og lokale mål. Du må ha evne til å vere sjølvstendig, ansvarleg og fleksibel, samtidig som du er god på samarbeid og kommunikasjon.

Ålfoten oppvekstsenter ligg i den vesle bygda Ålfoten i Nordfjord. Ved oppvekstsenteret har vi ein barnehage og ein barneskule. Det er ein todelt skule med 18 elevar, fordelt på 1.-4. klasse og 5.-7. klasse. I barnehagen har vi ei avdeling, der barn i alderen 1-5 år går saman.

Arbeidsoppgåver

• Fagleg og administrativ leiing av oppvekstsenteret
• 50% administrasjon og 50% undervisning
• Økonomistyring og rapportering
• Leie og vidareutvikle barnehagane og skulen som ei pedagogisk og lærande verksemd i tråd med lovverk og kommunen sine planar og satsingar
• Skape god relasjon med barn, foreldre og tilsette
• Bidra til kompetanseutvikling på eiga eining og i samarbeid med andre instansar i kommunen
• Strategisk leiing og planlegging
• Tverrfagleg samarbeid om barn sin oppvekst og utvikling

Kvalifikasjonar

• Pedagogisk utdanning frå høgskule eller universitet, minimum bacelorgrad
• Erfaring som skuleleiar/barnehageleiar eller minimum 3 års undervisning/pedagogisk erfaring
• Erfaring frå og kunnskap om offentleg forvaltning
• Erfaring frå sakshandsaming og politiske prosessar
• Gode kommunikasjonsferdigheiter på norsk, både munnleg og skriftleg

Personlege eigenskapar

• Resultat- og utviklingsorientert, innovativ, engasjert, synleg og tillitsvekkande
• Ha gode samarbeidsevner og evne til «å gjere andre gode»
• Ha arbeidsglede og godt humør
• Ha god rolleforståing
• Vere sjølvstendig, trygg og løysingsorientert
• Vere strukturert og ryddig
• Evne til å prioritere mellom mange oppgåver
• Vere utadretta og god til å bygge relasjonar
• Ha gode gjennomføringsevner

Det vert lagt stor vekt på personlege eigenskapar.

Vi tilbyr

• Vi tilbyr ein rekke gode ordningar, som startpakke for nytilsette, bustadtilskot, med meir. Alle ordningane finn du her.
• Eit godt arbeidsmiljø der du vil møte gode kollegaer med godt humør og stå på vilje
• God pensjon og gode lånevilkår gjennom medlemskap i Statens Pensjonskasse. SPK.no - Statens pensjonskasse for undervisningspersonale og KLP.no - Kommunal Landspensjon for andre. Ordningane ein får tilgang på kan bety mykje gjennom livsløpet.
• Gode personforsikringar i arbeid og fritid
• Gode moglegheiter for vidareutdanning, fagleg og personleg utvikling. Etter nærare avtale kan etter- og vidareutdanning gjennomførast med kompensasjon frå arbeidsgivar
• Arbeidsgjevar dekker kostnadar til arbeidsklede, jf. lokal avtale
• Senioravtale for tilsette over 62 år.  Undervisningspersonale får 100 % løn med 80 % arbeidstid.  Andre tilsette får 2 ekstra veker fritid, dvs totalt 8 veker ferie og fritid!
• Mentorordning for nyutdanna undervisningspersonalet, god opplæring og oppfølging til nytilsette
• Sjå ledige bustadtomtar i kommunen
• Hjelp til å finne bustad og barnehageplass
• Gratis 12 timar SFO i veka for 1-3 klasse

Kontaktinformasjon

Gro Bakke Abildsnes, Kommunalsjef oppvekst, kultur og fritid, +47 97167462

Arbeidsstad

Ålfotevegen 52
6737 Ålfoten

Nøkkelinformasjon:

Arbeidsgivar: Bremanger kommune

Referansenr.: 5060174009
Stillingsprosent: 100%
Vikar
Søknadsfrist: 16.01.2026