Lærling i portørfaget

Hospitaldrift er ei av avdelingane i Drift/teknisk Divisjon i Helse Bergen, og leverer ikkje-medisinske tenester og -produkt til føretaket. Hospitaldrift Transport er ei av einingane i Hospitaldrift. Vi utfører portørtenester, forsyningstenester, avfallshandtering og andre interne transporttenester for helseføretaket. Vi er ein viktig bidragsytar for god pasientflyt og logistikk for heile sjukehuset.

Vi satsar på utdanning av lærlingar og fast tilsette og er lærebedrift i både logistikkfaget og portørfaget. Våre opplæringsplanar i portørfaget inneheld brei opplæring i faget og våre godt kvalifiserte medarbeidarar tar del i opplæringa over heile Haukeland universitetssjukehus. Vi har om lag 140 medarbeidarar og er delt i tre seksjonar; Pasientportørteneste, Forsyningsteneste og Miljøhall og varetransport.

Vi har tre ledige læreplassar i portørfaget frå hausten med varigheit på 2 år. Stillinga medfører skiftarbeid i turnus.

Her ligg informasjon om faga og læretida hos oss: Lærlingar

Læreplanen finn du her: Læreplan eller på vilbli.no. 

Arbeidsoppgåver

• Transport av pasient i seng/ bil/ rullestol
• Henting og transport av pasientar som kjem med helikopter
• Transport av reine og skitne senger
• Bestille og levere varer som medisinske væsker og forbruksvarer, mat og tøy til avdelingane ved sjukehuset, utføre vareutplassering og haldbarheitskontroll
• Henting av avfall og skittentøy samt transport av blodprodukt, prøver og utstyr   
• Arbeidet inneber mykje fysisk aktivitet og kan vere psykisk krevande
• Som lærling medfører stillinga arbeid i 2-skift i turnus på dag, kveld og 3. kvar helg

Kvalifikasjonar

• Bestått VG-1 Helse og oppvekstfag
• Bestått VG-2 Ambulansefag eller VG-2 Helsearbeidarfaget eller VG-2 Helseservicefag
• Førarkort klasse B (seinast innan første år av læretida) 
• Kompetansebevis for truck klasse T1 er ein fordel
• Særs god norsk munnleg framstilling
• Grunnleggande datakunnskapar 

Personlege eigenskapar

• Du har motivasjon og interesse for fagfeltet
• Du er ansvarsbevisst og tillitskapande
• Du er serviceinnstilt med godt humør
• Du har gode kommunikasjonsevner og relasjonsbyggjande eigenskapar
• Du har evne til å arbeide sjølvstendig, systematisk og strukturert
• Du kan jobbe bra under press og utføre og trivast med arbeid som kan vere fysisk og psykisk krevjande

Vi tilbyr

• Givande og variert arbeidesdag
• Høgt fagleg nivå 
• Triveleg arbeidsmiljø 
• Løn i samsvar med gjeldande overeinskomst
• Gode pensjons- og forsikringsordningar
• Bedriftsidrettslag

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Trine Anette Clausen, Seksjonsleiar, 93670694

Arbeidsstad

Haukelandsveien 22
5021 Bergen

Nøkkelinformasjon:

Arbeidsgivar: Helse Bergen HF

Referansenr.: 5083114742
Stillingsprosent: 100%
Lærling
Startdato: 13.07.2026
Søknadsfrist: 23.03.2026