Postdoktor ved Institutt for samfunnspsykologi

Kunnskap som formar samfunnet

UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.

Video: https://youtu.be/M5n6RnScNgA

Postdoktorstilling 

Vi ønsker deg velkomen som søkar til ei ledig ei stilling som postdoktor ved Institutt for samfunnspsykologi, Det psykologiske fakultet. Stillinga er ei mellombels stilling for ein periode på tre år og er knytt til prosjektet Technology-Enhanced Cognitive Resilience Toolkit for Disinformation Detection, Vulnerability Profiling, and Digital User Empowerment (infoSHIELD), finansiert av Noregs forskingsråd.

Om prosjektet/arbeidsoppgåver:

Om prosjektet/arbeidsoppgåver

• Gjennomføre forsking innanfor infoSHIELD-prosjektet, eit femårig initiativ finansiert av Noregs forskingsråd. Prosjektet undersøkjer feilinformasjon og desinformasjon i samanheng med framveksande teknologi, særleg spreiinga av kunstig intelligens (KI). Prosjektet kombinerer tradisjonelle psykologiske kartleggingsmetodar og psykofysiologiske metodar for å vurdere sårbarheit for KI-generert feilinformasjon, og har som mål å utvikle strategiar for å avgrense slik påverknad.
• Utforme, gjennomføre og organisere eksperimentelle studiar som kombinerer åtferds- og psykofysiologiske metodar (til dømes EEG, hudkonduktans eller relaterte målemetodar) for å undersøkje kognitive og affektive responsar.
• Bidra til datainnsamling, førehandsprosessering, statistisk analyse og tolking av resultat, samtidig som ein sikrar høg metodisk og etisk standard.
• Samarbeide med eit tverrfagleg forskarteam og prosjektpartnarar, og bidra til felles resultat, inkludert vitskaplege publikasjonar, rapportar og presentasjonar.

Stillinga er plassert i Bergen, Noreg. Det er eit krav at den som vert tilsett må vere fysisk på campus for å støtte koordinering og laboratoriearbeid, inkludert rekruttering av deltakarar og gjennomføring av psykofysiologiske testar.

Kvalifikasjonar og eigenskapar:

Du må:

• ha disputert og fått godkjend ph.d.-grad i kognitiv nevrovitskap, psykofysiologi, biologisk psykologi eller tilsvarande fagområde på søknadstidspunktet.
• vere villig til å flytte til Bergen.
• vere villig til å delta i lengre forskingsopphald i utlandet ved partnarinstitusjonar i prosjektet.
• kunne arbeide sjølvstendig og strukturert, og ha gode samarbeidsevner.
• ha framifrå munnlege og skriftlege ferdigheiter i engelsk.
• ha erfaring med avansert programmering (til dømes R, Python eller Matlab) for dataanalyse.
• ha erfaring med eller akademisk bakgrunn innan klinisk psykologi eller helsepsykologi.

Det er ein fordel om du:

• har erfaring med innsamling og analyse av EEG- og fysiologiske data.
• har erfaring frå forsking innan menneske-KI- eller menneske-datamaskin-interaksjon.
• har erfaring med utvikling og validering av psykometriske instrument.
• har erfaring med programvare for psykologiske eksperiment (til dømes Psychopy, Psychtoolbox eller Psytoolkit).

Om postdoktorstillinga:

Postdoktorstillinga er ei åremålsstilling og har som hovudmål at du skal opparbeide deg ein forskarprofil og kompetanse som gjer deg kvalifisert for å søke stilling som førsteamanuensis. Åremålsperioden for denne stillinga er 3 år. Du kan ikkje tidlegare ha vore tilsett i en åremålsperiode som postdoktor ved Universitetet i Bergen. I samsvar med Forskingsrådet sine reglar, kan heller ingen tilsetjast fleire gonger i NFR-finansierte postdoktorstillingar.

UiB er underlagd regelverket for eksportkontroll og regelverket gjeld ved behandling av søknadar til stillinga. Dersom UiB ikkje har mottatt svar på søknad om eksportlisens innan 6-12 veker, vil eit eventuelt tilbod om tilsetting annullerast.

Søkjarar skal ved tilsetjing kome med framlegg til plan for kvalifiseringsarbeidet som inneheld ein framdriftsplan. Ved postdoktorstilling knytt til eksternt finansierte prosjekter, vil fullføring av planen for kvalifikasjonsarbeidet skje i dialog med prosjektleiar/senterleiar. Det er ein føresetnad at den som blir tilsett gjennomfører prosjektet i løpet av tilsetjingsperioden.

Vi tilbyr:

• Spennande og utviklande arbeidsoppgåver i et sterkt fagmiljø
• Brutto årsløn som postdoktor (kode 1352) kr 685 900. Vidare opprykk skjer etter stillingsansiennitet. For særleg kvalifiserte søkjarar kan det vere aktuelt å vurdere høgare løn.  
• Medlemsskap i Statens pensjonskasse
• Gode velferdsordningar

Søknaden skal innehalde:

• Ei kort utgreiing om dine forskingsinteresser og motivasjon for å søkje stillinga (maks to sider)
• CV
• Karakterutskrifter og vitnemål
• Namn og kontaktopplysningar til to referansar. Ein av desse bør vere hovudrettleiaren din frå doktorgradsutdanninga
• Relevante attestar
• Liste over vitskaplege arbeid (publikasjonsliste)
• Publikasjonar

Søknad og vedlegg med attesterte omsetjingar til engelsk eller eit skandinavisk språk må lastast opp i Jobbnorge.

Generell informasjon:

Utfyllande opplysningar om stillinga kan ein få ved å vende seg til: 

Professor Simone Grassini, Institutt for samfunnspsykologi, simone.grassini@uib.no, +47 55588672

Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.

Universitetet i Bergen nyttar meirinnsyn ved tilsetjing i vitskaplege stillingar.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju.Nærare om tilsettingsprosessen her.