Stipendiat innan digital suverenitet, kunstig intellingens og mediainnovasjon

UiB - Kunnskap som formar samfunnet

UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.

Video: https://youtu.be/M5n6RnScNgA

Stipendiat

Vi ønskjer deg velkommen som søkjar til ei stilling som stipendiat ved Institutt for informasjons- og medievitskap. Stillinga er for ein åremålsperiode på 4 år, kor 25 % av samla tilsetjingstid er karrierefremmande  arbeid som skal utførast ved instituttet.

Ph.d.-stilling innan digital suverenitet, kunstig intelligens og medieinnovasjon

Ved Institutt for informasjons- og medievitskap, Universitetet i Bergen, er det ledig ein Ph.d.-stilling med fokus på mediebransjens utvikling i lys av teknologiske endringar og moglegheiter. Stillinga er innretta mot felta digital suverenitet, kunstig intelligens og medieinnovasjon, og med fokus på samfunnsrelevans. Tilsetjing er for 4 år og 25% av samla tilsettingstid er karrierefremmande arbeid som skal utførast ved instituttet.

Digital suverenitet, kunstig intelligens og medieinnovasjon er viktige felt innan samfunnsfagleg forsking og har stor samfunnsmessig relevans. Mediesektoren er særleg hardt ramma av disruptive krefter som digitalisering og globalisering, og har lenge vore tvinga til å tenkje nytt. Kunstig intelligens representerer teknologi med disruptivt potensial, og globale medie- og teknologiaktørar grip inn i den norske mediesfæren og samfunnet. Alle organisasjonar og selskap opplever press om å vere nytenkande og oppfinnsam, og samtidig vere i stand til å forstå og meistre både flyktig og permanent endring. Kunstig intelligens er knytt til potensielt store samfunnsmessige konsekvensar og utfordringar i forhold til digital avhengigheit, demokratisk utvikling, og dei nasjonale og lokale medias berekraft, tradisjonelle rollar og posisjonar.

Stipendiaten vil vere knytt til instituttets medievitskaplege miljø, samt instituttet sin avdeling i medieklynga Media City Bergen.

Den som blir tilsett vil utvikle sitt eige forskingsprosjekt som fører fram til doktorgrad. 

Ph.d.-prosjektet og forskingsområde

Stipendiaten skal styrke forskinga og innsikt i skjeringspunktet digital suverenitet, kunstig intelligens og medieinnovasjon innan medieteknologi- og innhald og/eller på eit overordna strategisk institusjonsnivå. Stipendiaten skal dermed undersøke utviklinga av medieprofesjonar, medieproduksjon og /eller medieinstitusjonar i lys av kunstig intelligens-teknologi i medie- og/eller teknologibedriftar i medieklynga Media City Bergen.

Det medievitskapelege fagmiljøet bidrar med perspektiv på utviklinga i nasjonale medieprofesjonar, -produksjon og -institusjonar, i møte med globale trendar som KI, samt konsekvensar av denne utviklinga i eit samfunnsperspektiv, samt innovasjonsperspektiv innan felta medieproduksjon og medieteknologi.

Metodiske tilnærmingar kan vere kvalitative metodar som case-studiar, intervju, observasjon og feltarbeid, og dokumentanalyse. Sentrale teoretiske perspektiv kan være politisk økonomi, demokrati, og medieinnovasjon. 

 Kvalifikasjonar og eigenskapar:

• Mastergrad i medievitskap eller tilsvarande, eller tilsvarande utanlandsk utdanning. Søkjarar som har levert masteroppgåva ved søknadstidspunkt kan også søkje. Det er ein føresetnad at mastergraden er oppnådd før tilsetjing kan skje.
• Minstekravet for søkjarane skal normalt vere B, eller betre, både på masteroppgåva og for mastergraden som heilskap.
• Søkjarar må kunne arbeide sjølvstendig og strukturert og ha gode samarbeidsevner.
• Søkjarar må ha gode skriftlege og munnlege engelskkunnskapar
• God norsk skriftleg og munnleg kompetanse
• Personlege og mellommenneskelege eigenskapar vil bli vektlagd. Ambisjonar og potensial vil også telje ved vurdering av kandidatane.

Undervisningsspråket er til vanleg norsk, men noko av undervisninga blir og gjeven på engelsk.

Arbeidsstaden for stillinga er Bergen, og arbeidet føreset at ein i kvardagen er fysisk til stades ved instituttet.

Aktuelle kandidatar vil bli innkalla til intervju. 

For stillinga gjeld følgande:

Om stipendiatstillinga (gjeld universitetsstipendiatstillingar): Samla stipendperiode er 4 år. Minst tre årsverk skal vere dedikert til doktorgradsarbeidet. Resten av tida blir sett av til anna karrierefremmande arbeid som til dømes forsking, undervisning og formidling, som skal bidra til at den tilsette kvalifiserer seg for relevante karrierar som krev forskingskompetanse. Om du tidlegare har vore tilsett i rekrutteringsstilling, kan det bli gjort frådrag i tilsetjingsperioden

Om forskarutdanninga: Som stipendiat skal du delta i ph.d.-utdanninga ved Det samfunnsvitskaplege fakultet, UiB. Utdanninga har ei normert tidsramme på 3 år, og leiar fram til ein ph.d.-grad. For opptak må du ha fullført mastergrad. Omfanget av mastergraden må normalt vere på 120 studiepoeng og bygge på ein bachelorgrad på 180 studiepoeng (normalt 2+3 år), eller ein integrert mastergrad av 300 studiepoeng (5 år). I mastergraden skal det normalt inngå eit sjølvstendig arbeid av eit omfang på minimum 30 studiepoeng. Mastergraden skal normalt vere innan det fagområdet det vert søkt om opptak til.

Vi tilbyr:

• Stilling som stipendiat (kode 1017) med årsløn kr. 593 700, - brutto. Automatisk lønsutvikling for opptil 4 år med 3% årleg stiging.
• Godt fagleg og sosialt miljø med høg kvalitet på forsking og undervisning.
• Medlemsskap i Statens pensjonskasse 
• Gode velferdsordningar

Søknaden skal innehalde:

• Ei kort utgreiing om søkjaren sine forskingsinteresser og motivasjonen for å søkje stillinga
• Ei kortfatta prosjektskildring (5-8 sider inkludert referansar) skal ligge føre saman med søknaden. Prosjektskildringa skal gjere greie for tema, problemstilling(ar) og val av teori og metode. Skildringa skal innehalde framdriftsplan for dei ulike delane av forskingsarbeidet. Ved tilsetjing vil prosjektskildringa vere grunnlaget for opptak til Ph.d.-utdanninga. Fakultetet har utarbeida ei rettleiing for skriving av prosjektskildringa.
• Namn og kontaktopplysningar til to referansepersonar, ein av desse må vere hovudrettleiaren frå masteroppgåva eller tilsvarande oppgåve 
• CV
• Karakterutskrifter og vitnemål for bachelor- og mastergrad 
• Relevante attestar
• Eventuell liste over vitskaplege arbeid (publikasjonsliste)
• Eventuelle publikasjonar
• Dersom du har mastergrad frå utanlandsk lærestad, eller 2-årig disiplinbasert mastergrad (eller tilsvarande) innan eit anna fagområde enn du vil bli knytt til, kan du verte bede om å sende inn ei oversikt over pensum til den mastergraden du har oppnådd

Søknad og vedlegg med attesterte omsetjingar til engelsk eller eit skandinavisk språk må lastast opp i Jobbnorge. Søknader utan prosjektskildring eller søknader som vert sende på e-post vil ikkje verte vurderte. Berre vedlagte dokument vil bli lagt til grunn for vurdering.

Søknadsfrist: 14.06.2026.

Søknader utan prosjektskildring eller søknader som vert sende på e-post vil ikkje verte vurderte. Berre vedlagte dokument vil bli lagt til grunn for vurdering.

Generell informasjon:

Nærare opplysningar om stillinga kan ein få ved å vende seg til instituttleiar: Professor Bjørnar Tessem, epost: bjornar.tessem@uib.no , mobil: 40829964

Praktiske spørsmål kring søknadsprosessen kan rettast til HR – rådgjevar Gudrun Horvei, gudrun.horvei@uib.no. 

Den som vert tilsett vil bli tatt opp i fakultetet si ph.d.-utdanning. Eventuelle spørsmål om ph.d.-utdanninga kan rettast til rådgjevar Elina Troscenko, elina.troscenko@uib.no.

Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.

Vi oppmodar menn om å søkje. Dersom fleire søkjarar har tilnærma like kvalifikasjonar, gjeld reglane for moderat kjønnskvotering.   

Universitetet i Bergen nyttar meirinnsyn ved tilsetjing i vitskaplege stillingar. Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju. Nærare om tilsettingsprosessen her.       

Livet som ph.d.-kandidat ved UiB

Astrid Nybø forteller om livet og arbeidshverdagen som ph.d.-kandidat ved UiB.

Video: https://www.youtube.com/watch?v=Eo3Z63yzkKA&list=PLf8ZIYfAO0qjhROTj6SthDbSScg0lSO6G&index=5