Prosjektmedarbeidar - kommunesamanslåing og samarbeid

 

Herøy, Sande og Ulstein kommunar ser etter ein initiativrik og strategisk medarbeidar i 100% stilling. Stillinga skal delta både i det etablerte prosjektet som fremjar samarbeid mellom alle 7 kommunane på Søre Sunnmøre, og arbeide med kommunesamanslåingsprosessane i ytre (Herøy, Sande og Ulstein) og i indre (Ørsta og Volda).  

Prosjektet varer ut 2027.

Både kommunane Herøy, Sande og Ulstein og kommunane Ørsta og Volda, har gjort vedtak om å utgreie ei mogleg samanslåing av kommunane. Samanslåingsprosessen følgjer fastsette milepålar, der medverknad og politiske prosessar er viktige element. 

Samarbeidsprosjektet tek utgangspunkt i generalistkommuneprinsippet som seier at alle kommunar skal tilby eit likt tenestetilbod. Med ein kombinasjon av små kommunar, spreidd busetnad og stor geografisk avstand, er dette ei utfordring for kommunane våre. Difor vil prosjektet kartlegge, utvikle og iversetje samarbeid på strategisk viktige tenesteområde for å møte desse utfordringane. 

Utlysinga er i regi av kommunane Herøy, Sande og Ulstein. Det vil verte gjort ei tilsvarande rekruttering for kommunane Ørsta og Volda. Dei som vert rekruttert, vil jobbe saman om oppgåvene som skal løysast for alle kommunane, saman med prosjektleiar og eining for tenesteutvikling og innovasjon i Søre Sunnmøre IKT (SSIKT).  

Dette er ein unik sjanse til å vere med å forme tenestene i framtidas kommune, og til å bidra til berekraftig samfunnsutvikling i regionen. Stillinga kan vere med å påverke både kvardagen til innbyggarane og framtidig kommunal organisering.  

Vi ser fram til å høyre frå deg som er klar for ei meiningsfull utfordring i eit samfunnsengasjert og tverrfagleg miljø! 

 

Arbeidsoppgåver

• Planleggje, koordinere og drive prosessar for utvikling og etablering av interkommunale samarbeid. 
• Følge opp og legge til rette for prosessane med å utgreie kommunesamanslåing i tråd med vedtekne planar og styringsdokument. 
• Utgreie saker til styringsgruppe og felles saksframlegg til kommunestyra. 
• Legge til rette for god kommunikasjon retta mot innbyggarar, tilsette og andre.
• Drive prosessar for kvalitetssikring og effektivisering av tenester på tvers av kommunane. 
• Ivareta politisk forankring, medverknad og innbyggardialog.  
• Legge til rette for gode rutinar rundt risikovurdering og kvalitetsmåling. 
• Samarbeide med avdeling for tenesteutvikling og innovasjon i SSIKT for å ta ut gevinstar. 

Stillinga rapporterer til prosjektleiar for interkommunalt samarbeid og kommunesamanslåingsprosessane.

Kvalifikasjonar

• Høgare utdanning innan offentleg administrasjon, leiing, kommunikasjon eller andre relevante fagfelt. 
• Erfaring med prosjekt- og prosessleiing, gjerne innan offentleg sektor eller interkommunale samarbeidsprosjekt. 
• Kompetanse på omstillingsprosessar, strategisk planlegging og kvalitetsstyring. 
• God munnleg og skriftleg framstillingsevne .

Personlege eigenskapar

Vi ser etter deg som har god forståing av kommuneorganisasjonen og erfaring med endrings- og utviklingsarbeid innan offentleg sektor. Du har evna til å identifisere behov og finne og realisere innovative løysingar, som kan gi betre kvalitet og meir effektiv drift i kommunale tenester. 

• Strukturert, sjølvstendig, resultatfokusert og god gjennomføringsevne. 
• Samlande og løysingsorientert, og med gode kommunikasjons- og samarbeidsevner. 
• Evne til å etablere tillit og bygge relasjonar med interessentar, frå tilsette og leiarar til politikarar og innbyggarar. Strukturert, sjølvstendig, resultatfokusert og god gjennomføringsevne.
• Motivasjon til å jobbe fram løysingar som kan tene fleire kommunar og skape langsiktige verdiar.

Personlege eigenskapar vil verte særleg vektlagde.  

Vi tilbyr

 

Utlysinga er i regi av kommunane Herøy, Sande og Ulstein. Kva kommune som vert arbeidsgjevar vert avklara i rekrutteringsprosessen. Næraste leiar vert kommunedirektør i same kommune. Prosjektleiar for kommunesamanslåingsprosessane følgjer opp dagleg drift. 

Lønn etter avtale. 

Oppstart etter nærare avtale. Stillinga varer ut 2027. Det er mogleg at den kan verte forlenga (dersom det vert gitt vidare tilskot). 

Bli med på reisa for å utvikle eit framoverlent Søre-Sunnmøre!  

 

Kontaktinformasjon

Lars Erling Bjåstad Hovlid, Prosjektleiar, 91635277, lars.erling.bjastad.hovlid@ulstein.kommune.no

Arbeidsstad

Sjøgata 63
6065 ULSTEINVIK

Nøkkelinformasjon:

Arbeidsgivar: Ulstein kommune

Referansenr.: 5085843995
Stillingsprosent: 100%
Engasjement
Søknadsfrist: 07.05.2026