Sjukepleiar

Er du ein fagleg engasjert sjukepleiar som ønskjer å utvikle deg innan fagområda nyre, infeksjon, gastro – og endokrinologi, i ei avdeling som legg til rette for helsefremjande turnus med moglegheit for arbeid kvar 4. helg?

Medisin 2 har 24 sengeplassar, og tek i mot pasientar med ulike indremedisinske sjukdomar. Avdelinga har fokus på helsefremjande turnus med minst mogleg belastning i form av aften/dagvakter. Stillinga inngår i tredelt turnus, med moglegheit til å påverke eigen arbeidsplan og fordeling av vakttypar.
Det er høve til arbeid kvar fjerde helg med 12-timersvakter laurdag og søndag. Vaktene inkluderar 1,5 timars pause, der ein time kan takast utanfor avdelinga. Ved arbeid kvar tredje helg kan ein ha mellomvakter (10:30 – 18:00) laurdag og søndag. Ein arbeider då i team med ein annan sjukepleiar som har langvakter.

Avdelinga har eigne funksjonar som portør, kjøkkenassistent og sekretær. Det arbeider også fleire helsefagarbeidarar ved avdelinga. Kvar fagseksjon har og eigen fagsjukepleiar som arbeider med fagleg utvikling og kompetanseheving i avdelinga.

Innan nyremedisin har avdelinga, saman med nyrepoliklinikken, ansvar for alle pasientar med peritonealdialyse i Møre og Romsdal.

Infeksjonseksjonen omfattar eit breitt spekter av infeksjonstilstandar – frå endokarditt, spondylodiskitt, tuberkulose til pneumoni og urinvegsinfeksjonar.

Avdelinga tilbyr OPAT – heimebehandling med intravenøs antibiotika, for å gi ei meir fleksibel sjukehusbehandling både under og etter innlegging. Sjukepleiarar frå infeksjon deltek i øvingar knytt til CBRNE-beredskap to gonger i året.

Gastroseksjonen omfattar både øyeblikkeleg hjelp – innleggingar, som ved gastrointestinale blødingar, og planlagde opphald for mellom anna leverbiopsi, ERCP, infusjonar og utgreiing i form av koloskopi og gastroskopi.

Vi søkjer deg som har interesse for fagområda og ønskjer å bidra fagleg, og trivst i eit tverrfagleg og tidvis hektisk arbeidsmiljø. Avdelinga legg vekt på fagutvikling, grundig opplæring og god kollegastøtte. Nødvendig opplæring vil bli gitt, og talet på opplæringsvakter vert tilpassa den enkelte sitt behov. Som nytilsett vil du i starten arbeide primært innan eitt fagområde. Du vil få varierte og spennande arbeidsoppgåver i eit støttande og inkluderande arbeidsmiljø.

Vil du arbeide i ei avdeling som gir deg påverknad på turnus, tett kollegafellesskap og spennande utfordringar innan fleire medisinske fagfelt? Då høyrer vi gjerne frå deg!

Ved intern omrokkering kan andre stillingar og anna stillingsprosent bli ledig, samt at det er høve for ekstra vakter. 

Arbeidsoppgåver

• Observasjon og behandling av pasientar i akutt sjukdomsfase og kroniske forløp
• Dekke pasienten sine grunnleggjande behov
• Førebygging av komplikasjonar og ivaretaking av pasientsikkerheit
• Gi forsvarleg medisinsk behandling og sjukepleie
• Utøving av god omsorg til pasient og pårørande
• Bidra til fagutvikling i avdelinga
• Bidra aktivt i avdelinga sitt forbetringsarbeid
• Koordinere tenester i pasientbehandlinga både internt og eksternt
• Gjere seg kjent med og halde seg oppdatert på sengeposten sine gjeldande prosedyrer og retningslinjer
• Studentrettleiing (dersom nyutdanna, så har ein ikkje veiledaransvar før ein har jobba eitt år)

Kvalifikasjonar

• Norsk autorisasjon som sjukepleiar
• 3.års sjukepleiarstudentar kan også søkje og bli vurdert
• Eignaheit, endringskompetanse og stabilitet vektleggast
• God etisk praksis, både i samhandling med pasientar og i samarbeid med kollegaer
• Må beherske norsk godt både skriftleg og munnleg, evt anna skandinavisk språk Fagleg dyktigheit og fleksibilitet i forhold til oppgåver

Personlege eigenskapar

• Positiv og fleksibel
• Vilje til å sikre eit godt arbeidsmiljø på alle nivå
• Fagleg engasjert
• Teamorientert
• God kommunikasjon og samhandling
• Evne til å ta ansvar, arbeide sjølvstendig og strukturer
• Personlege eigenskapar vil bli vektlagt ved tilsetting

Vi tilbyr

• Sterkt tverrfagleg samarbeid
  
• Ein inkluderande arbeidsplass
  
• Løn etter gjeldande overeinskomstar
  
• Medlemskap i god offentleg pensjonsordning og fordelaktige forsikringsvilkår

Vi ber om at attestar og vitnemål vert scanna og lasta opp som vedlegg til din CV.     

Ålesund er kåra til den vakraste byen i Norge. Ålesund sin vakre Jugendstilarkitektur er viden kjent. Eit mangfald av tårn, spir og vakre utsmykkingar er som teken ut av eit eventyr. Byen og omlandet har eit særs rikt kultur- og konsertliv med nasjonale og internasjonale artistar. Du kan og oppleve eit mangfold av fjordar, øyar og fjell som ventar på å få begeistre deg. Les meir her!

Kontaktinformasjon

Marthe Louise Rekdal Farstad, Seksjonsleiar, +47 70105792, Marthe.Farstad@helse-mr.no

Arbeidssted

Åsehaugen 5
6017 Ålesund

Nøkkelinformasjon:

Arbeidsgiver: Helse Møre og Romsdal HF

Referansenr.: 5039190440
Stillingsprosent: 80, 75%
Fast, Vikariat
Startdato: 01.12.2025
Søknadsfrist: 10.02.2026