Lærlingar i portørfaget

Helse Møre og Romsdal opnar no dørene for nye lærlingar i portørfaget! Etter å ha vorte godkjend som lærebedrift i 2023, tok vi imot våre første lærlingar sommaren 2024. Erfaringane har vore svært gode, og no ønskjer vi å gi endå fleire moglegheita til å ta fagbrev i eit viktig og samfunnsnyttig yrke.

Med oppstart i august 2026 planlegg vi å ta inn totalt fire nye lærlingar – to ved Sjukehuset Nordmøre og Romsdal (SNR) og to ved Ålesund sjukehus. Som portørlærling blir du ein sentral del av sjukehuskvardagen og bidreg til trygg, effektiv og god pasientflyt. Du får ein variert arbeidsdag med praktiske oppgåver, tett samarbeid med ulike fagmiljø og dagleg kontakt med pasientar og kollegaer.

Portørfaget passar for deg som trivst med å vere i rørsle, er serviceinnstilt og kommuniserer godt med menneske i ulike situasjonar. Hos oss får du ei spennande læretid i eit sterkt fagmiljø, med god oppfølging og høve til fagleg utvikling.

Opplæringa skjer i nært samarbeid mellom sjukehusa og lokale opplæringskontor, og målet vårt er klart: Vi ønskjer å tilby fast tilsetjing etter fullført læretid sommaren 2028.

Sjukehuset Nordmøre og Romsdal flytta i april 2025 inn i eit heilt nytt og moderne akuttsjukehus på Hjelset i Molde kommune – eit framtidsretta sjukehusmiljø der du får vere med og forme vidare utvikling. 

Vi gler oss til å høyre frå engasjerte og motiverte søkjarar innan søknadsfristen 2. mars. Hugs å leggje ved relevant dokumentasjon, som vitnemål og eventuelle attestar.

Arbeidsoppgåver

• Transportere pasientar, utstyr og medikament på ein profesjonell og trygg måte
• Observere og rapportere om pasienten sin tilstand i samband med transport
• Ha spesiell merksemd på logistikk, ressursutnytting og kostnadseffektivitet
• Utføre oppgåver knytt til beredskapsplanar og HMS
• Samarbeide tett med anna helsepersonell for å sikre optimal pasientomsorg

Kvalifikasjonar

• Fullført og bestått VG1 og VG2 innan relevante fag
• Gode norskkunnskapar
• God IT-kompetanse og ei strukturert tilnærming til oppgåvene

Personlege eigenskapar

• Evne til å arbeide sjølvstendig, men òg som ein del av eit team
• Gode fysiske føresetnader for å utføre eit mangfald av portøroppgåver
• Gode kommunikasjonsevner med ei empatisk, men profesjonell tilnærming
• Vere godt personleg eigna

Vi tilbyr

• Ein spanande læringsarena i spesialisthelsetenesta
  
• Profesjonell rettleiing og opplæring i samsvar med opplæringsplan/læringsmål
  
• Særs meiningsfulle og varierte arbeidsoppgåver i eit sterkt tverrfagleg miljø
  
• Mogelegheit for fast tilsetjing etter læretida
  
• Gode pensjons- og forsikringsordningar
  

Kontaktinformasjon

Arbeidsstad

Nøkkelinformasjon: