Lærar i restaurant og matfag

Sotra vidaregåande skule er ein kombinert skule med ni ulike programområde innan yrkesfag og studiespesialisering. Vi har i dag to skulestadar, ein på Bildøy og ein i Skogsvåg, med 900 elevar og 150 tilsette. I tillegg er vi vaksenopplæringssenter for Askøy og Øygarden, med ca. 150 vaksne elevar på ulike program.

Skulen legg vekt på å vere nyskapande og berekraftig. Vi har som mål at alle elevane fullfører skulegangen med eit høgt læringsutbytte. Skulen er eit inkluderande fellesskap der alle opplever fagleg og sosial meistring. Vi har eit godt læringsmiljø der elevar og tilsette samarbeider om å skape ei motiverande opplæring. Elevane på Sotra vgs. skal ha medverknad og har medansvar for læringa og for fellesskapet.

Vi søkjer etter lærar Restaurant og matfag i 60% stilling i eit vikariat for skuleåret 2026 / 2027. Det kan være aktuelt med auka stilling utover 60%. Den vi ser etter kan undervise på tilrettelagt avdeling og har bakgrunn som kokk eller eit av dei andre faga på Restaurant og matfag.  

Arbeidsoppgåver

• Praktisk og teoretisk undervisning innan fagområdet restaurant- og matfag i tilrettelagte grupper
• Undervisning på vaksenopplæring, kurs eller undervisning i Vg1 eller Vg2 innan RM kan òg bli aktuelt
• Tett oppfølging av einskilde elevar og samarbeidsbedrifter
• Skape og utvikle opplæringa i samarbeide med elevar, kollega,  og skuleleiing
• Halde seg informert om utviklinga i bransjen, samt ha god kontakt med bedrifter
• Arbeide systematisk for at elevane skal lære, fagleg og sosialt òg for at elevane skal få ein god overgang til arbeid og kunne meistre livet som vaksen
  

Kvalifikasjonar

• Fagbrev som kokk eller eit av dei andre faga i programområdet
• Spesialpedagogisk utdanning
• Yrkeserfaring frå restaurant- og matfag
• 2-årig fagleg teoretisk utdanning utover fagbrev og praktisk pedagogisk utdanning eller godkjent yrkesfaglærarutdanning.
• Ønskeleg med undervisningserfaring, men ikkje eit krav.
• Til alle undervisningsstillingar er det krav om relevant fagleg og pedagogisk kompetanse
• Dersom formell undervisningskompetanse manglar, kan skulen legge til rette for å ta manglande teoretisk utdanning. Tilsetting kan skje på vilkår av at manglande fagleg og pedagogisk utdanning blir tatt
• Gode IKT kunnskapar
• Kommunisere godt på norsk munnleg og skriftleg
• Særleg relevant yrkeserfaring innan fagområdet kan kompensera for krav om fagbrev

Personlege eigenskapar

• Vi ønskjer søkjarar med eit positivt syn på elevar, som er tydeleg vaksen og som er ein god rollemodell for ungdom.
• Du har stort engasjement for faget og for at elevane skal lykkast med opplæringa
• Du bidrar til elevanes faglege og sosiale utvikling
• Du er fleksibel og ser moglegheiter
• Å vere eigna for arbeid med ungdom med særskilte behov vil bli tillagt stor vekt
• Du har gode ferdigheiter i kommunikasjon og relasjonsbygging, både overfor elever, føresette, kollega og andre samarbeidspartar

Vi tilbyr

• Løn etter kvalifikasjonar
• Gode forsikrings- og pensjonsordningar
• Inkluderande og godt arbeidsmiljø
• Gode moglegheiter til eiga læring og utvikling
• Du blir ein del av ein ambisiøs, nyskapande og berekraftig arbeidsplass
• Trimgrupper for tilsette
  
  Andre opplysningar

Den som tilsetjast må legge fram politiattest.
For undervisningsstillingar på yrkesfag er det krav til praktisk- pedagogisk utdanning og to års yrkesteoretisk utdanning utover fagbrevnivå, eller bachelor som  yrkesfaglærar. Søkjarar som ikkje har godkjent utdanning kan tilsetjast på vilkår.

 

Kontaktinformasjon

Beate Fossen Nordborg, Avdelingsleiar tilrettelagt Skogsvåg
Erik Henneli, Assisterande rektor, 95826077
Olav Lee, rektor                        , 93034370

Arbeidsstad

Finkelhølsvegen 10
5382 Skogsvåg

Nøkkelinformasjon:

Arbeidsgivar: Vestland fylkeskommune

Referansenr.: 5106182259
Stillingsprosent: 60%
Vikar
Startdato: 01.08.2026
Sluttdato: 31.07.2027
Søknadsfrist: 24.04.2026