Lege til fast "Nordsjøturnus" på natt

Om stillinga

Vi søkjer deg som ønskjer å arbeide som lege ved Nordhordland legevakt i fast "nordsjø" turnus på kveld/natt. Det er tre legar som roterer i ein 3.vekers turnus. Vaktene vil være nattevakter, og du arbeider 7 vakter med kveld og natt per arbeidsperiode. I etterkant av arbeidsveka di har du 14 dagars arbeidsfri. 

Stillingsprosent vil vera 80% i planlagt vaktoppsett, men vi tilrettelegg for 90% der 10% blir for oppdatering og kurs i frivekene. Vi kan også tilby ALIS avtale i kommunen. 

Du jobbar sjølvstendig, eller saman med ein annan legekollega, og du inngår i eit team av dyktige legar og sjukepleiarar. Du har vakt i lokala til NHLV, og rykker ut til hendingar der det er behov.

Dersom du ikkje bur nærme nok til å dagpendle til Alver kommune, stiller vi med bustad når du er i vaktperiodane dine. Du vil også få dekka køyregodtgjersle eller reise etter avtale til/frå når du kjem reisande til vaktperioden din. 

Om Nordhordland legevakt

Nordhordland legevakt (NHLV) er organisert som ei av tre avdelingar under tenesteområde lege- og rehabilitering. Nordhordland legevakt er lokalisert i moderne lokaler på Helsehuset i Knarvik. På dagtid er legevakta for Alver kommune. På kveld, natt og helg er legevakta interkommunal for 7 kommunar. Innbyggjertalet i vaktdistriktet er om lag 46 000. Det er 2 legar på vakt og 2- 4 sjukepleiare, avhengig av tidspunkt på døgnet. 

Nordhordland legevakt har om lag 24 årsverk i faste stillingar. Legearbeidet blir utført av fastlegar og legar med hovedstilling andre stader i eller utanfor kommunane. Gjennom eit år er om lag 100 medarbeidarar knytt til legevakta. Legevaktsentralen er bemanna av sjukepleiarar.

Arbeidsoppgåver

• Undersøke, vurdere og behandle pasientar som oppsøkjer legevakta
• Ivareta funksjon som vaktlege kobla til nødnett
• Bidra til god samhandling mellom øvrig personell, fastlegar, ambulanse og andre aktørar

Kvalifikasjonskrav 

• Autorisasjon som lege
• Gjennomført LIS1 - teneste
• Erfaring frå legevakt og kommunale helsetenester, eller anna relevant erfaring
• Du er vaktkompetent, eller er villig til å bli det
• Gode norskkunnskapar, munnleg og skriftleg

• Førarkort klasse B

  Dersom du har gjennomført akuttmedisinkurs og er vaktkompetent er dette eit føremon

Kven er du?

• Har gode kommunikasjonsevner med både pasientar og kollegaer
• Er løysingsorientert og kan snu deg raskt i ein spennande og hektisk arbeidskvardag
• Er robust og kan tåle skiftet mellom dei akutte situasjonane, og dei meir vanlege konsultasjonar 
• Er tålmodig, og har evnen til å prioritere arbeidsoppgåver 
• Du er ansvarleg, og er ryddig i forhold til pasienthåndtering

Dei personleg eigenskapar ovanfor vil bli lagt vekt på.

Me tilbyr

• Stor grad av variasjon og sjølvstende i arbeidet
• Eit svært kompetent og breitt fagmiljø i Helsehuset
• Løn etter avtale
• Gratis parkering
• Dekka køyregodtgjersle, eller reise etter avtale, til/frå vaktperiode
• Bustad i vaktperiodane, dersom du ikkje bur nærme nok til å dagpendle
• Arbeid i turnus 7 dager på, 14 dager av
• Gode forsikrings- og pensjonsordninger i KLP

Politiattest 

I tråd med helse- og omsorgstenestelova §5-4 vert det stilt krav om tilfredsstillande politiattest ved tiltrede.