Ledig stilling som personleg studieassistent

UiB - Kunnskap som formar samfunnet

UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.

Video: https://youtu.be/M5n6RnScNgA

Om ordninga med personleg studieassistent ved Universitetet i Bergen:

Universitetet i Bergen tilbyr personleg studieassistent til studentar som har behov for ekstra støtte, og som elles ikkje kvalifiserer til utdanningsstøtte frå NAV.

Stillinga utgjer minimum 2-4 timar i veka. Det kan bli meir arbeid i periodar og arbeidstida vil kunne variere mellom dagtid/ettermiddag.

Vi har per i dag fleire ledige stillingar. Oppstart vil skje, så raskt som mogleg.

Arbeidsoppgåver:

Du vil fungere som personleg studieassistent for ein eller fleire studentar med eit behov for ekstra støtte ved Universitetet i Bergen. Arbeidsoppgåvene kan innebere å:

• Følgje opp studentane sine spesifikke tilretteleggingstiltak
• Hjelpe til med strukturering og organisering av studiearbeid
• Vere ein fast, trygg kontaktperson
• Moglegheit for ekstra oppdrag

Du må delta på opplæring etter tilsetjing. Opplæringa består av eit kurs i Mitt UiB. All opplæring er obligatorisk og løna.

Du vil få attest for arbeidet.

Kvalifikasjonar og eigenskapar:

• Gode norskkunnskapar, skriftleg og munnleg
• Personlege eigenskapar blir vektlagde
• Det tel positivt at du sjølv er student ved UiB og har gjennomført minst eitt studieår

Vi tilbyr:

• Løn i stilling som fagkonsulent (kode 0389) i årsløn kr. 430 200 brutto i 100% stilling, eller kr. 464 900 brutto i 100% stilling ved oppnådd mastergrad. For særleg kvalifiserte søkjarar kan høgare løn bli vurdert
• Gode velferdsordningar

Generell informasjon:

Utfyllande opplysningar om stillinga kan ein får ved å vende seg til: seniorrådgjevar Iren Igesund, tlf. 55589483, e-post iren.igesund@uib.no

Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Søknad, CV og vedlegg sendes elektronisk via lenke på denne sida.

Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju.Nærare om tilsettingsprosessen her.