Vil du bidra til at fleire ungdommar i Vestland får ein god start i arbeidslivet?

Nav Vestland søkjer ein engasjert seniorrådgjevar til eit eittårig vikariat i avdeling for fag og tenester. I denne rolla blir du del av eit fagmiljø som arbeider breitt med arbeidsinkludering og ungdomsretta tenester i fylket.

Fylkeskontoret har ei sentral rolle i å utvikle, koordinere og støtte arbeidet ved Nav-kontora i heile Vestland. Vi jobbar systematisk med kvalitetsutvikling, kompetanseheving og samarbeid med arbeidslivet for å sikre gode tenester til innbyggjarar og arbeidsgivarar.

Som seniorrådgjevar vil du bidra i utvikling og gjennomføring av tiltak som fører ungdom nærare arbeid og aktivitet. Du vil jobbe tett saman med ungdomsressursar, arbeidsgivarar og andre samarbeidspartnarar, og få ei viktig rolle i å koble behov i arbeidslivet med moglegheitene hos ungdom.

Dette er ei stilling for deg som trivst med både utviklingsarbeid og operativ gjennomføring. Du likar å bygge nettverk, skape engasjement og finne løysingar, og du ønskjer å vere med og påverke korleis Nav i Vestland vidareutviklar ungdomsarbeidet sitt.

Kva går jobben ut på ?

• oppfølging og gjennomføring av aktivitetar i Ungdomsløftet, i tett samarbeid med seniorrådgjevar for arbeidsinkludering, ungdomskoordinator og andre fagressursar
• regionale møteplassar og rekrutteringstreff retta mot ungdom
• samarbeid med arbeidsgivarar og næringslivet
• koordinatoroppgåver knytt til brukerutvalget vårt «Råd for Ung Medverknad»
• oppfølging og vidareutvikling av rekrutteringskonseptet «WorkOp» i  Nav Vestland, inkludert oppskalering, opplæring og samarbeid med direktoratet
• deltaking i samarbeidsprosjektet Inkludering i Vest, mellom anna Sommarjobb-kampanjen «Sommarjobb i Vest» for ungdom.
• operativt og strategisk arbeid for å fremje arbeidsinkludering i samarbeid med strategiske partnarar og tverrfaglege team.

Kva kompetanse er viktig i denne rolla?

• utdanning på minimum bachelornivå. Relevant utdanning og/eller erfaring kan kompensere for kravet til utdanning.
• erfaring med oppfølging av ungdom
• erfaring frå arbeid mot eller samarbeid med arbeidsgivarar
• erfaring med opplæring, rettleiing eller kompetansedeling

Kva vi ser etter hos deg?

• jobbar strukturert og er løysingsorientert
• har gode samarbeidsevner og evne til å byggje relasjonar og nettverk
• evne til å jobbe sjølvstendig, tek initiativ og held framdrift
• er engasjert i kvalitets- og tenesteutvikling
• er trygg på formidling og deling av kunnskap

Kvifor velje oss?

• ei spennande stilling i eit godt arbeidsmiljø prega av høg kompetanse og engasjerte medarbeidarar
• store moglegheiter for fagleg og personleg utvikling
• fleksibel arbeidstid, heimekontorordning og moglegheit for trening i arbeidstida
• god pensjonsordning, låneordning og forsikringar gjennom Statens pensjonskasse
• stillinga blir plassert i stillingskode 1364 seniorrådgivar. Lønsspennet er frå kr. 690 000 til 750 000. For særs kvalifiserte søkarar kan høgare lønn vurderast.

Kontaktinformasjon

Jane Britt Daae, Avdelingsdirektør avdeling fag og tenester, 414 60 137, jane.britt.daae@nav.no

Arbeidssted

Solheimsgaten 7E
5058 Bergen

Nøkkelinformasjon:

Arbeidsgiver: Nav

Referansenr.: 5078794851
Stillingsprosent: 100%
Vikariat
Søknadsfrist: 05.03.2026