Ynskjer du å arbeide med eit meiningsfullt samfunnsoppdrag?

Har du trua på at alle menneske som vil kan komme i arbeid, og ynskjer du å gjera ein forskjell for andre menneske?
Trivst du med oppfølging, sakshandsaming og å finne gode løysingar i samhandling med menneske i krevjande situasjonar? Då kan du vere den vi søkjer etter.

Som rettleiar i Nav Tysnes skal du følgje opp brukarar i tråd med Nav sitt samfunnsoppdrag. Nav skal betre levekåra for vanskelegstilte og bidra til sosial og økonomisk tryggleik. Her under at den einskilde får høve til å leva og bu sjølvstendig, samt fremje overgang til arbeid, sosial inkludering og aktiv deltaking i samfunnet.

Nav Tysnes er ein del av regionen Nav Sunnhordland som består av Nav Stord, Nav Fitjar, Nav Sveio, Nav Bømlo, Nav Kvinnherad og Nav Tysnes. Me søkjer no ein engasjert og dyktig kollega som vil vera med på å gje menneske moglegheiter. Hos oss får du jobbe i eit fagleg sterkt miljø med stort hjarte for inkludering og førebygging av utanforskap. Den ledige stillinga er i oppfølgingsteamet og me søkjer etter ein kollega som skal jobbe med oppfølging av personer som søker om og/eller mottar arbeidsavklaringspenger (AAP). Hovudmålet med stillinga er å hjelpe disse personene ut i arbeid eller utdanning, og til å klare seg sjølve.

Hos oss får du ein variert og meiningsfull arbeidskvardag, der du både er rettleiar, forvaltar og samarbeidspartnar for menneske i ulike livssituasjonar. 

Arbeidsoppgåver

• Ha tett oppfølging av brukarar med fokus på motivasjon, meistring og arbeid
• Kartlegge den enkelte sine ressursar og moglegheiter
  
• Rettleie, motivere og tilrettelegge for at brukarar skal komme i arbeid og aktivitet
  
• Planlegge, koordinere og leie møter der mottakarar av arbeidsavklaringspenger, tiltaksarrangørar, helsetenesten og arbeidsgivarar deltek
  
• Bidra til gode relasjonar internt og eksternt, og bruke relevante tiltak og verkemiddel for arbeidsinkludering
  
• Gjere vurderinger, saksbehandle og dokumentere med utgangspunkt i aktuelt lovverk som folketrygdlova, forvaltningslova og Nav-lova
  
• Vurdere bruk av aktuelle tiltak og verkemiddel
• Andre arbeidsoppgaver på regionalt nivå
  
  

Det skjer hyppige endringar i Nav og ein må vere fleksibel i forhold til endringar i arbeidsoppgåver. Endringar kan vere relatert til både lovverk og nye IKT-løysingar.

Kvalifikasjonar

• Utdanning på minimum bachelornivå, gjerne innan fagområde som rettleiing, helse, leiing, pedagogikk eller sosialfag. Relevant utdanning og/eller erfaring kan kompensere for kravet til utdanning.
• Kompetanse innenfor veiledning eller motivasjonsarbeid
• God munnleg og skriftleg framstillingsevne på norsk
  
• Gode digitale ferdigheiter

Det er ein fordel om du har:

• God kjennskap til arbeidsmarknaden
  
• Erfaring med å koordinere tenester og arbeide heilskapleg
  
• Erfaring frå oppfølgingsarbeid
  
• Forståing for forvaltning av lovar og reglar
  

Me ser etter deg som

• Er ein god relasjonsbyggar
• Jobbar strukturert, kan dokumentere løpande og veksle mellom ulike arbeidsoppgåver
  
• Er fleksibel. Sidan endringar i Nav skjer hyppig treng vi at du taklar uføreseielege hendingar og endringar i arbeidsoppgåver
• Har indre motivasjon for å hjelpe menneske i ulike livssituasjonar

Vi tilbyr

• Meiningsfulle og utfordrande arbeidsoppgåver innafor eit viktig satsningsområde
• Store mogleheitar for fagleg og personleg utvikling
• Eit arbeidsmiljø med høg trivsel som er prega av godt kvalifiserte og engasjerte medarbeidarar
• Fleksibel arbeidstid og moglegheit for trening i arbeidstida
• God pensjonsordning, låneordning og forsikringar gjennom Statens pensjonskasse
• Statleg tilsetting i stillingskode 1434 rådgjevar i lønnspenn frå kr. 622 000 - 652 000. For særs kvalifiserte søkarar kan noko høgare lønn vurderast.
  

Les meir om å jobbe i Nav

Kontaktinformasjon

Maren Leite, Kontorleiar, 90198079, maren.leite@nav.no

Arbeidsstad

Uggdalsvegen 301
5685 Uggdal

Nøkkelinformasjon:

Arbeidsgivar: Nav

Referansenr.: 5036367854
Stillingsprosent: 100%
Fast
Startdato: 01.02.2026
Søknadsfrist: 14.12.2025