Rådgjevar for kommunikasjon og beredskap

Vil du skape tryggleik og tillit gjennom god og klarspråkleg kommunikasjon? Er du god til å skrive, har erfaring med å nå ulike målgrupper gjennom ulike kommunikasjonskanalar? Har du i tillegg forståing for korleis god kommunikasjon er avgjerande i kriser og beredskapssituasjonar? Då vil vi gjerne høyre frå deg.

Som rådgjevar for kommunikasjon og beredskap får du ei sentral rolle i å styrke openheit, tillit og tryggleik i Herøy kommune. Du får ansvar for både intern og ekstern kommunikasjon, og vil jobbe både strategisk og operativt med varierte kommunikasjonsoppgåver. Du går inn i rolla som kommunen sin beredskapskontakt og deltek i kriseleiinga med ansvar for kommunikasjon ved kriser.

Kommunikasjonsavdelinga har ulike fagområde og ligg til sektor for verksemdsstyring saman med HR/HMS og økonomi. Du vil du jobbe tett med heile organisasjonen og bidra med kommunikasjonsfagleg støtte på tvers av ulike tenesteområde i kommunen.

Herøy kommune har god dialog med nabokommunane og ser kontinuerleg etter moglegheiter for å samarbeide, lære av kvarandre og utvikle felles løysingar som styrkar fagmiljøa våre.

Arbeidsoppgåver

• vidareutvikle mål og strategiar for kommunikasjonsarbeidet
• følgje opp mål og tiltak i tråd med kommunen sin kommunikasjonsstrategi
• rådgjeving innan fagfeltet 
• koordinere, utføre og ivareta kommunikasjonsarbeidet  også under beredskapssituasjonar og kriser
• vere kommunen sin beredskapskontakt 
• gjennomføre beredskapsøvingar, ROS-analyser og anna beredskapsplanarbeid
• bidra til omdømmebygging og synleggjering av tenestene våre
• vere med å utarbeide innhald til nettsider, sosiale medium og pressemeldingar
  
• vere systemadministrator for Acos CMS og RAYVN som er IT-verktøy for kommunikasjon og beredskap
• delta og bidra fagleg i interkommunalt samarbeid for kommunikasjon og beredskap

Vår organisasjon er i utvikling, og oppgåver og ansvarsområdet innanfor fagfeltet vil kunne bli endra.

Kvalifikasjonar

• relevant høgare utdanning på høgskule eller universitetsnivå til dømes innan kommunikasjon, journalistikk, beredskap eller kombinasjon av desse
• særleg relevant arbeidserfaring kan til dels kompensere for formell utdanning
• svært god skriftleg og munnleg formidlingsevne, språket vårt er nynorsk
• erfaring med strategisk og operativt kommunikasjonsarbeid
• gjerne ha erfaring frå kommunikasjon knytt til krise- og beredskapsarbeid
• kjennskap til kommunal forvaltning er ein fordel
• digital kompetanse og gjerne erfaring med verktøy som InDesign, Photoshop eller Premiere Pro
• erfaring med ulike nettpubliseringsverktøy og sosiale medium

Personlege eigenskapar

• kan arbeide effektivt og sjølvstendig
• er omgjengeleg og god til å samarbeide
• er løysingsorientert, nysgjerrig og lærevillig
• nytenkjande, kreativ og uredd
• godt heilskapleg blikk og har evne til strategisk og langsiktig arbeid
• god evne til kommunikasjon med andre og å byggje relasjonar

Vi legg stor vekt på personlege eigenskapar, saman med kompetanse og erfaring.

Vi tilbyr

• kjekke kollegaer i eit godt arbeidsmiljø
• varierte, meiningsfulle og utfordrande arbeidsoppgåver med stort og kreativt handlingsrom
• eit fagmiljø som legg vekt på utvikling og samarbeid
• fleksibel arbeidstidsordning
• løn etter kvalifikasjonar og gjeldande avtaleverk
• god pensjons- og forsikringsordning i KLP

Herøy kommune er i kommunegruppe 5, noko som vil seie at dersom du bur og arbeider i kommunen kan du frå 1. januar 2025 årleg få sletta studielånet med kr. 25 000 kroner når året er gått. Dette gjeld også dersom du flyttar til kommunen etter denne datoen.

Vi tilset etter gjeldande tariffavtale, lover og reglement. Aktuelle kandidatar vil verte kalla inn til intervju. Søkjarlista kan verte offentleggjort.

Kontaktinformasjon

Joachim Almestad, Avdelingsleiar, +47 47816836

Arbeidsstad

Rådhusgata 5
6090 FOSNAVÅG

Nøkkelinformasjon:

Arbeidsgivar: Herøy kommune

Referansenr.: 5032488272
Stillingsprosent: 100%
Fast
Søknadsfrist: 04.12.2025