Utekontaktar

Me treng to nye utekontaktar som vikarar ut 2026, frå ca 1.mars og 1.mai. No er me på jakt etter deg som likar å vera saman med ungdom, får lett kontakt med ungdom og er oppteken av deira plass i lokalsamfunnet.

Utekontakten er ei oppsøkjande teneste retta mot ungdom i alderen 13-20 år. Utekontakten er merksam på ungdom som står i fare for å falla utanfor fellesskapen og har god oversikt over utvikling og trendar i ungdomsmiljøet. Tenesta driftar den uformelle treffstaden Ungdomsbasen i sentrum av Norheimsund. Oppsøkjande arbeid står sentralt i utekontakten sitt arbeid, på skular, der ungdom møtes, "ute i bygdene" og i sosiale media. Utekontakten samarbeider om aktivitetar for barn og unge i skulen sine feriar. Utekontakten tek del i tverrfagleg samarbeid og planarbeid. Oppvekstplanen sitt hovudmål er å fremja gode og trygge oppvekstvilkår som legg til rette for deltaking, inkludering og mestring. I rapporten Sterke Fellesskap har ungdom i kommunen jobba med kva som bør prioriterast framover, nemleg - psykisk helse, skuletrivsel og medverknad.

For tida er utekontakten organisert saman med psykolog for barn og unge i Familiesenteret.

Arbeidsoppgåver

Stillingsressursen er 1,5 årsverk og det er opning for ulike kombinasjonar av stillingsstorleik. Me ber om at du opplyser i søknaden din  kor stor stillingsprosent du ynskjer.

Som utekontakt vil du få jobba med:

• Oppsøkjande sosialt ungdomsarbeid
• Oppfølging, støttesamtalar med ungdom og føresette
• Drift av ungdomsbasen
• Arbeid med ungdom i grupper
• Kurs og foredrag retta mot ungdom, foreldre og samarbeidspartar
• Rusførebyggjande arbeid
• Ung Fritid sitt ferietilbod
• Deltaking i kommunen sine tverrfaglege satsingar, plan- og prosjektarbeid

Kvalifikasjonar

• Ulike utdanningar kan vera relevante,  t.d. barne- og ungdomsarbeidar, sosionom, barnevernpedagog og andre
• Erfaring frå ungdomsarbeid, med vekt på oppsøkjande arbeid og relasjonsbygging
• Ønskjeleg med kunnskap/erfaring innan rus- og psykisk helsearbeid, aktivisering og konflikthandtering
• God kjennskap til sosiale media og nettbruk hos barn og unge
• Fleirkulturell forståing og erfaringar
• Gode norskkunnskapar, skriftleg og munnleg
• Du må ha sertifikat og bør kunna disponera eigen bil

Ved tilsetjing vert det stilt krav om politiattest av ny dato. Denne skal ikkje leverast med søknaden.

Ein må rekna med noko kveldsarbeid, og nokre helgedagar i løpet av året.

Personlege eigenskapar

Me søkjer deg som:

• Har lyst å arbeida med og trivst saman med barn og unge
• Har god evne til å skapa kontakt og halda kontakt med ungdom - relasjonsbygging, omsorg og varme.
• Er kreativ, initiativrik, tydeleg og strukturert.
• Kan stå i endringsarbeid, er fleksibel og taklar variasjon i arbeidskvardagen
• Kan jobba sjølvstendig og i team.
• Har god evne til kommunikasjon og samarbeid med andre faggrupper og tenester

Me tilbyr

• Spennande, variert og utfordrande arbeidskvardag
• Godt arbeidsmiljø og engasjerte kollegaer
• Veiledning, kurs og konferansar
• Personalpolititikk som legg tilrette for fagleg og personleg utvikling
• Løn etter gjeldande tariff
• Gode offentlege pensjons- og forsikringsvilkår

Generell informasjon:
Søknadar må sendast via Webcruiter for å verta registrert på utlysingssaka
I Kvam herad er det offisielle styringsmålet nynorsk. Alle tilsette i alle kommunale organ pliktar å nytta nynorsk skriftspråk i tenesta
Me gjer merksam på at etter offentleglova § 25 kan opplysningar om søkjaren bli offentlege sjølv om søkjaren har oppmoda om ikkje å bli ført opp på søkjarlista. Dersom oppmodinga ikkje vert teke til følgje, vert søkjaren varsla om dette.

Den kommunale organisasjonen skal i størst mogleg grad spegla mangfaldet i folkesetnaden. Målet er difor å oppnå ei balansert samansetjing når det gjeld alder, kjønn og kulturell bakgrunn. Kvam herad ønskjer å inkludera og leggja til rette for personar med nedsett funksjonsevne.

Kontaktinformasjon

Anna Mo-Bjørkelund, Leiar Familiesenteret, +47 908 62 106

Arbeidsstad

Grovagjelet 16
5600 Norheimsund

Nøkkelinformasjon:

Arbeidsgivar: Kvam herad

Referansenr.: 5061196138
Stillingsprosent: 100%
Vikar
Startdato: 02.03.2026
Søknadsfrist: 01.02.2026