Kanskje er det Ullensvang som har stole hjartet ditt?

Kvinne på 42 år søkjer personlege assistentar til ein variert og meingsfull kvardag. Kanskje har du møtt kjærleiken i Ullensvang? Eller har du forelska deg i naturen, fjella og fjorden? Då har eg jobben for deg.

Eg er ei aktiv kvinne på 42 år med to barn. Eg er avhengig av rullestol og treng nokon som kan vera mine armar og bein, slik at eg kan vera politikar, mamma og skribent og leva det livet eg ynskjer.

Eg har ledig ei fast stilling på 100 %, og det er òg behov for fleire assistentar på tilkalling.

Det er viktig at assistenten som blir tilsett i fast stilling har moglegheit til å vera med på både turar med og uten overnatting i ny og ne.

Arbeidstida vil stort sett vera på dagtid, men noko arbeid på kveld, helg og natt kan førekoma.

Eg er ei positiv dame med mange jern i elden. Eg elskar musikk, konsertar og å vera med vener. Samstundes treng eg av og til å gira ned mellom slaga, gjerne med Netflix.

Politikken og familien tek det meste av tida mi. Eg er til tider energisk, men òg ein person som treng mykje ro. Eg elskar bøker, så du blir truleg med på litteraturfestival, kafébesøk med vener og mykje køyring for å fylgja opp borna.

1. Køyra bil

2. Vera med på jobb og andre reiser

3. Husarbeid

4. Assistanse i samband med måltid

5. Lette løft kan førekoma

6. Bistå meg i rolla som mamma

1. Du må ha førarkort

2. Du likar huslege oppgåver og ein fleksibel kvardag

3. Du er positiv og punktleg

4. Grunna arbeidets art blir kvinner oppmoda til å søkja

5. Eg har katt, så det er viktig at du ikkje er allergisk

Kontaktinfo

Navn: Stine Damsgård Tjelta

Mail: stine.damsgard.tjelta@stendi.no