Avdelingsleiar

Har du lyst til å prøve deg som avdelingsleiar i heimetenesta? No har du sjansen!
Me søkjer ein trygg, engasjert og utviklingsorientert avdelingsleiar i vikariat i Bømlo heimeteneste, sone aust. Du får personalansvar for rundt 25 dyktige medarbeidarar og blir ein nøkkelperson i vidare utvikling av tenesta. Som avdelingsleiar bidreg du til kvalitet, fagleg vekst og gode kvardagar for både brukarar og tilsette. Tenesta er i gang med spennande utviklingsarbeid - mellom anna gjennom innføring av mentorordning for nye medarbeidarar. Me vil gjerne ha deg med på laget!

Om tenesta
Bømlo heimeteneste er ein viktig del av helse- og omsorgstenestene i kommunen og er organisert i tre soner: sør, aust og sentrum, med basar på Bømlo bu- og helsesenter, Bømlo omsorgstun og Moster Servicesenter. Me gir heimesjukepleie, praktisk bistand og førebyggjande tenester til innbyggjarar som treng støtte i eigen heim, og har eit sterkt tverrfagleg miljø med sjukepleiarar, helsefagarbeidarar, assistentar, lærlingar og studentar. Me jobbar målretta med brukarmedverknad, kvardagsmeistring og kvalitetsutvikling, og har ein kultur der læring og fagleg utvikling står sentralt. 

Arbeidsoppgåver

• Leie, utvikle og sikre drift av tenesta i tråd med kommunale mål, tenestestandardar og gjeldande lovverk.
• Ha heilskapleg personalansvar, inkludert rekruttering, onboarding, oppfølging, arbeidsmiljø og HMS.
• Ansvar for bemannings- og turnusplanlegging i samarbeid med koordinatorar og tillitsvalde.
• Drive systematisk fag- og kvalitetsarbeid, som internkontroll, avvikshandtering, utvikling av rutinar og planlegging av kompetanseheving.
• Sørgje for god økonomi- og ressursstyring innanfor gitte rammer.
• Samarbeide tett med tenestekontoret, fastlegar, pårørande og andre relevante fagmiljø og samarbeidspartnarar.

Andre oppgåver kan bli tillagt stillinga avhengig av den tilsette sin kompetanse og interesser. Endringar i arbeidsområdet må kunne påreknast. 

Kvalifikasjonskrav

• Offentleg godkjent sjukepleiar.
• Relevant praksis frå heimeteneste, eldreomsorg eller anna pasientretta arbeid.
• God digital kompetanse i relevante fagsystem.

Det er i tillegg ønskjeleg at du har:

• Leiarerfaring med personalansvar og drift, eller anna relevant leiarerfaring frå tenesteområdet.
• Erfaring med endrings- og utviklingsarbeid, samt forståing for økonomistyring og turnusplanlegging.
• Leiarutdanning eller tilsvarande. 

Personlege eigenskapar

Me ser etter deg som kan:

• Skape gode relasjonar, motivere medarbeidarane og byggje ein trygg og inkluderande kultur.
• Kommunisere opent, tydeleg og tillitsvekkande, bidra til eit positivt samarbeid i kvardagen.
• Fat­te gode beslutningar, prioritere rett og handtere situasjonar som krev rask og trygg avklaring.
• Arbeide strukturert, samtidig som du er fleksibel, løysingsorientert og tilpassingsdyktig i ein kvardag i endring.
  

Ved vurdering av den best kvalifiserte, legg me vekt på utdanning, erfaring og personlege eigenskapar, samt din motivasjon for stillinga. 

Me tilbyr

• Eit godt og inkluderande arbeidsmiljø med høg fagkompetanse og engasjerte medarbeidarar.
• Moglegheit til å påverka og utvikla teneste.
• Varierte og spennande arbeidsoppgåver i ein flott kommune.
• Gode offentlege pensjons- og forsikringsordningar.
  
• Løn etter avtale.
• Som tilsett får du tilbod om medlemskap i velferdsklubb som gjev tilsettegoder.

Anna informasjon

• Det vert stilt krav om politiattest ved tilsetjing etter Helse og omsorgstenestelova § 5.4. 
• Bømlo kommune ser på inkludering og mangfald som ein styrke, og vil oppmoda alle kvaliserte søkjarar om å søkja stilling uavhengig av bakgrunn. 
• Me gjer merksam på at søkjarar vert ført opp på offentleg søkjarliste. Det er mogleg å søkja om anonymitet, men det må vera særskilte omstende for å få innvilga unntak, jf. Offentleglova § 25.
  

Synast du stillinga virkar spennande og samsvarar med kvalifikasjonane dine, sender du oss søknaden din elektronisk via Webcruiter.no med CV, vitnemål og attestar vedlagt. Ved førespurnad må du kunna skaffa bekrefta kopiar av dokumentasjonen din. Dersom du har spørsmål om stillinga og rekrutteringsprosessen, ta kontakt med verksemdsleiar Hilde Markhus.

Kontaktinformasjon

Hilde Markhus, Verksemdsleiar, 909 49 278

Arbeidsstad

Leirdalen 1
5430 Bremnes

Nøkkelinformasjon:

Arbeidsgivar: Bømlo kommune

Referansenr.: 5060700911
Stillingsprosent: 100%
Vikar
Startdato: 11.05.2026
Sluttdato: 31.08.2027
Søknadsfrist: 31.01.2026