Lærarar

Vi søkjer lærarar som brenn for å utvikle spennande, innovativ og praksisnær undervisning i samarbeid med elevar og kollegaer i profesjonelle lærande fellesskap. Vi treng lærarar som er gode på klasseleiing, relasjonsbygging og samarbeid, som har omsorg for elevane og skapar trygge gode klasse- og læringsmiljø der elevane trivst og lærer.

I perioden 01.08.26 -31.07.27 er det ledig inntil 100% x 2 mellombelse stillingar for lærarar ved 1-7. trinn i Ål kommune, pt Nedre-Ål skule. Kontaktlærarfunksjon er tillagt stillingane.

• Godkjent undervisningskompetanse jf. opplæringslova § 10-1 og 10-2 og forskrift til opplæringslova kapittel 14, sjå særleg §§ 14-1 til 14-3.
• Det er spesielt behov for 1-7-lærar med undervisningskompetanse i faga norsk, matematikk og engelsk, og kompetanse innan begynneropplæring.
• Kompetanse og erfaring frå arbeid med barn med behov for tilrettelagt støtte er ønskeleg. 

Før opp i søknaden kva fag du har undervisningskompetanse innanfor

Personlege eigenskapar blir vektlagde. Vi søkjer deg som

• Brenn for læraryrket og ønsker å bidra til god læring for elevane.
• Er tydeleg på klasseleiing og har evne til å skape gode relasjonar til barn, føresette og kollegaer.
• Er positiv, fleksibel og løysingsorientert.
• Har god digital kompetanse og evne til å vurdere når det er føremålstenleg for elevane å arbeide digitalt.
• Ser på leik som viktig og som ein god metode i undervisninga.
• Ønskjer å delta i skulen sitt fellesskap, både fagleg og sosialt.
• Har engasjement for elevane sitt læringsfellesskap.

Våre lærarar må ha god evne til munnleg og skriftleg framstilling.  

Ål kommune nyttar nynorsk som målform.

• Arbeidsplassar med gode og utviklande arbeidsmiljø.
• Rettleiing i to år for nyutdanna lærarar.
• Engasjerte og dyktige skuleleiarar.
• Skular som er engasjert i pedagogisk utviklingsarbeid og kompetanseheving.
• To-lærarsystem ved fleire av skulane.
• Miljørettleiarar ved skulane.
• Lønns- og arbeidsvilkår er regulert av Hovudtariffavtala.

• Vitnemål og attestar legg du inn saman med søknaden.
• Den som vert tilsett må legge fram politiattest ikkje eldre enn tre månader.
• Intervju og tilsetting kan skje fortløpande i søknadsperioden.
• Kommunen følgjer offentleglova § 25 ved eventuell offentleggjering av søkjarlista.