80% helsefagarbeidar ved Mjøstølen avlastning

Ullensvang kommune har ledig 80 % fast stilling som helsefagarbeidar ved Mjøstølen avlastning. Stillinga er knytt til ei ordning med langvakter (12,5 timar) og arbeid kvar tredje helg.

Om Mjøstølen avlastning

Mjøstølen avlastning gir viktige tenester til familiar med born og unge vaksne som har ulike funksjonsvariasjonar. Vi held til sentralt i Odda sentrum og har døgnkontinuerleg drift.

Vårt mål er at både brukarar og pårørande skal oppleve tryggleik, kvalitet og føreseielegheit. Hos oss blir du ein del av eit stabilt, inkluderande og fagleg engasjert arbeidsmiljø der vi samarbeider tett.

Om stillinga og arbeidstida

Stillinga følgjer ein turnus med langvakter på 12,5 timar. Dette er ei organisering som sikrar kontinuitet i tenestetilbodet og som gir den tilsette lengre samanhengande friperiodar mellom arbeidsøktene.

Hovudarbeidsoppgåver:

• Utøve direkte tenesteyting og omsorg til barn og unge vaksne.

• Leggje til rette for meistring og aktivitet i kvardagen ut frå individuelle behov.

• Sikker handtering og administrering av legemiddel.

• Fagleg dokumentasjon og oppfølging av planar i relevante fagsystem.

• Samarbeid med pårørande og tverrfaglege instansar som skule og spesialisthelsetenesta.

• Bidra til eit profesjonelt og stabilt arbeidsmiljø.

Kvalifikasjonar

• Autorisasjon som helsefagarbeidar. (Søkjarar med anna relevant fagutdanning eller erfaring kan og verte vurderte).

• God skriftleg og munnleg framstillingsevne på norsk.

• Grunnleggjande IKT-kompetanse og erfaring med dokumentasjon.

• Erfaring frå arbeid med målgruppa er eit føremon.

Personlege eigenskapar

Vi søkjer ein medarbeidar som:

• Er fagleg trygg og har evne til å arbeide sjølvstendig og strukturert.

• Har gode samarbeidsevner og bidrar positivt til fagmiljøet.

• Opptrer roleg og løysingsorientert i møte med endringar i kvardagen.

• Er ansvarsbevisst og stabil.

Personlege eigenskapar vert tillagde vekt ved tilsetjing.

Vi tilbyr

• Fast tilsetjing i ein 80 % stilling.

• Føreseieleg turnus med langvakter og friperiodar.

• Løn etter gjeldande hovudtariffavtale.

• Pensjons- og forsikringsordningar gjennom KLP.
  

• Oppstart: Snarast mogleg eller etter avtale.

• Krav: Det er krav om gyldig politiattest før tiltreding.

Sletting av utdanningsgjeld/studielån:

Ullensvang kommune er omfatta av ordninga.

Alle som bur i ein av dei 189 kommunane på SSBs sentralitetsnivå 5 og 6 kan få sletta 25 000 kroner av utdanningsgjelda i året frå januar 2026. Du må vera busett i ein av desse kommunane, og vera yrkesaktiv, i minst eitt år. Du vil få sletta utdanningsgjeld kvart år, fram til gjelda er nedbetalt. Tiltaket gjeld all typar utdanningsgjeld, uavhengig av når ho er teken opp. Ein person som bur i ein av desse kommunane frå 1. januar 2025, eller flyttar dit når som helst etter denne datoen, vil etter eitt års butid vera kvalifisert til å få sletta gjeld.

Utgangspunktet er at alle søkjarnamn er offentlege etter Offentleglova. Det betyr at ditt namn vert gjort offentleg på kommunen si postliste når du har søkt ledig stilling.
For å gjera unntak må kommunen ha heimel i lova og vurdera konkret i kvar sak kva som er grunnen til unntaket.
I følgje offentleglova § 25 vert det stilt følgjande krav for å få unntak:
"Det kan likevel gjerast unntak frå innsyn for opplysningar om ein søkjar dersom vedkommande sjølv ber om det. Ved vurderinga av om ei slik oppmoding skal takast til følgje, skal det leggjast vekt på om det knyter seg særleg offentleg interesse til stillinga. I utlysinga skal det gjerast oppmerksam på at opplysningar om søkjaren kan bli gjort offentlege sjølv om søkjaren har oppmoda om ikkje å bli ført opp på søkjarlista. Dersom oppmodinga ikkje blir teke til følgje, skal søkjaren varslast om dette.

 
Arbeidsavtalar i Ullensvang kommune:

Dei som vert tilsett i Ullensvang kommune får tilsendt arbeidsavtale til digital signering. Du får tilsendt sms og e-post med link til digital arbeidsavtale. Viss du har fått munnleg melding om at du er tilsett vil du få tilsendt arbeidsavtale. Viss du ikkje får e–post i innboksen din, sjekk uønska e-post/søppelpost, eller fylge følgjande link: https://signering.posten.no/