Om stillinga

Statsforvaltaren si helse-, sosial- og barnevernsavdeling lyser ut ei fast fulltidsstilling som assisterande fylkeslege med dykkemedisinsk kompetanse for å forvalta felles regelverk der Petroleumstilsynet er koordinerande myndigheit. Kontorstad er Statens hus i Stavanger.

Statsforvaltaren i Rogaland har landsdekkande oppgåver knytt til petroleumsnæringa. Dette inkluderer tilsyn med helsetenestene og helseberedskapen offshore, saksbehandling, rettleiing og anna. Stillinga er ein del av petroleumsteamet i avdelinga. Me jobbar på oppdrag frå mellom anna Helsedirektoratet, Statens helsetilsyn og Mattilsynet. Me har tett samarbeid med Petroleumstilsynet og gjev fagleg bistand i saker innan deira ansvarsområde.

Arbeidsoppgåver

Som tilsynsmyndigheit har Statsforvaltaren i Rogaland mellom anna ansvar for å undersøka om den helsemessige beredskapen ved bemanna undervassoperasjonar i petroleumsverksemda er ivaretatt. Du får hovudansvaret for å følga opp desse forvaltingsoppgåvene på dykkarområdet, og blir fagleg rådgjevar/saksbehandlar i saker som gjeld bemanna undervassoperasjonar. Du er også medisinskfagleg rådgjevar/saksbehandlar for andre sakar innan petroleumsfeltet.

Du representerer styresmaktene på saksområdet i faglege spørsmål. Etatane deltar i fagfora om dykking, i utvikling av regelverk og standardar, og gir rettleiing om gjeldande regelverk til industrien. Dette kan bety samarbeid med myndigheiter i andre land og deltaking i nasjonale og internasjonale fagfora om dykking, dykkemedisin og forsking.

Som ein del av den hyperbarmedisinske ressursen vår, skal du bidra med medisinskfagleg kompetanse. Dette kan inkludera arbeidsoppgåver offshore som krev grunnleggande tryggleikskurs og helseerklæring.

Kvalifikasjonskrav

Vi ønskjer oss ein dyktig medarbeidar som:

har medisinsk embetseksamen og norsk autorisasjon som lege
har minimum 5 års yrkeserfaring som lege
har hyperbarmedisinsk kompetanse
har erfaring frå petroleumsindustrien, fortrinnsvis i form av arbeid med bemanna undervassoperasjonar
uttrykkjer seg klart skriftleg og munnleg på bokmål, nynorsk og engelsk

Du fyller helsekrav for arbeid offshore, godkjent helseattest må leggas fram før tilsetjing. Du har eller er villig til å ta nødvendige tryggleikskurs for å kunne reise offshore.Det er ein fordel å vera godkjent dykkarlege.

Andre med særleg relevant kompetanse, slik som godkjent spesialitet i arbeidsmedisin eller anestesiologi, kan søke.

Erfaring frå offentleg forvalting og/eller forskingserfaring kan telja positivt.

Personlege eigenskapar

du er analytisk, har gode samarbeidsevner og god relasjonell kompetanse
du kan arbeide sjølvstendig, ta initiativ, er løysningsorientert og har god gjennomføringsevne
du er strukturert og nøyaktig i arbeidet ditt

Personlege eigenskapar blir vektlagt.

Vi tilbyr

lønn som assisterande fylkeslege, kr 840 000 - 1 000 000 pr år, avhengig av kvalifikasjonar og erfaring. For særleg godt kvalifiserte kan me vurdere høgare lønn
brei kontakt med ulike aktørar og fagmiljø, både nasjonalt og internasjonalt
gode høve til vidare kompetanseoppbygging og utviklingsmoglegheiter
samarbeid om god oppgåveløysing med høgt kompetente medarbeidarar i avdelinga og i embetet
eit godt tverrfagleg og sosialt miljø
fleksibel arbeidstid og statleg avtaleverk.
god pensjonsordning, gruppelivsforsikring og moglegheit for bustadlån gjennom Statens pensjonskasse (det blir trekt 2% pensjonsinnskot frå lønna).
HjemJobbHjem-ordning.

Det er 6 månaders prøvetid i stillinga.

Spørsmål om stillinga

Du får nærare opplysningar hos ass. direktør Marit Bergeland, tlf. 51 56 87 79, e-post: marit.bergeland@statsforvalteren.no eller fylkeslege Andres Neset, andres.neset@statsforvalteren.no.

Informasjonskapsler på arbeidsplassen.no

Rapporter annonse