Vil du vere med og leie Møre og Romsdal politidistrikt? Vi har ledig vikariat som driftseiningsleiar for felles eining for påtale, med oppmøtestad i Ålesund. Som driftseiningsleiar har du eit medansvar for drifta av politidistriktet, og er ein del av politimesteren si leiargruppe. Du vil ha ansvar for straffesaksbehandlinga i politidistriktet. Vikariatet har snarleg tiltreding og varer tom. 31. desember 2025.

Den vi ser etter har høg integritet, evne til å vidareutvikle medarbeidarar og god gjennomføringsevne. Vi ser etter deg som set retning, skaper oppslutning om mål og gjennomfører nødvendige endringar. Som leiar i politiet skal du oppnå resultat på alle område, i dagleg drift og ved kriser.

Felles eining for påtale har eit overordna ansvar for etterforsking, påtale og iretteføring av straffesaker i politidistriktet. Eininga har fagansvar for straffesakshandsaming og skal sikre høg kvalitet gjennom ei forsvarleg og effektiv forvalting av distriktet si samla straffesaksportefølje. Eininga har ansvar for å sjå til at gjeldande regelverk som straffeprosesslova, påtaleinstruksen, Riksadvokatens prioriteringar og andre direktiv for straffesaksarbeidet mv. etterlevast, og at omsynet til objektivitet og rettssikkerheit blir teke vare på i alle stadium av straffesakshandsaminga. Felles eining for påtale består av fire seksjonar, tre påtaleseksjonar (Sunnmøre, Romsdal og Kristiansund) og ein straffesaksseksjon.

Ved eventuelt internt opprykk, vil det kunne bli ledig vikariat som seksjonsleiar ved eininga. Stadsplassering vil avhenge av kvar ledigheit oppstår (Ålesund, Molde eller Kristiansund).

Arbeidsoppgåver

Driftseiningsleiar:

Overordna fag og resultatansvar for straffesaksbehandlinga i politidistriktet
Budsjett-, resultat- og personalansvar i eiga funksjonelle eining
Bidra aktivt i politimeister si leiargruppe, følgje opp leiargruppa sine avgjerder og setje i verk vedtekne endringar
Sørgje for høg kvalitet, effektiv ressursutnytting og samarbeid i tjenesteproduksjonen
Utvikle eit godt medarbeidarskap, ønskt kultur og god medarbeidartilfredsheit
Vareta fagmynderolla innanfor ansvarsområdet
Ha ansvar for dialogen med høgare påtalemynde om straffesaksbehandling
Sørgje for effektiv og einskapleg kommunikasjon (felles bodskap)
Sørgje for at tilsette varetek vernet av informasjonen, materiellet og objekta til politidistriktet

For seksjonsleiar ved evt. opprykk:

Dagleg leiing av seksjonen med delegert resultat og personalansvar
Oversikt over straffesaksportefølje og sette i verk prioriteringar i samråd med driftseiningsleiar, øvrige seksjonsleiarar ved påtale og seksjonsleiarar innan etterforsking
Kan bli pålagt delegert overordna ansvar for turnusarbeid, ferieplanlegging, overtidskontroll for felles påtaleining
Bidra til god bruk av den samla juristkapasiteten i politidistriktet og bidra til godt samarbeid
Utvikle eit godt medarbeiderskap, ønskt kultur og god medarbeidertilfredsheit ved seksjonen
Sikre eit helsefremjande arbeidsmiljø gjennom dialog og samarbeid (HMS og internkontroll)
Sørgje for at tilsette varetek vernet av informasjonen, materiellet og objekta til politidistriktet
Delegert ansvar for rekruttering, opplæring og vedlikehald av kompetanse
Sørgje for godt og effektivt samarbeid med interne og eksterne aktørar

Kvalifikasjonar

For driftseiningsleiar:

Nødvendig:

Juridisk embetseksamen eller mastergrad i rettsvitskap med godt resultat
Minimum tre års leiarerfaring, anten personalleiing eller fagleiing, med oppnådd gode resultat
Inngåande kunnskap og forståing for politiet og påtalemynda si rolle i samfunnet
Brei juridisk kompetanse innan påtalefeltet

Ønskeleg:

Relevant leiarutdanning
Erfaring frå å leie endrings- og utviklingsprosessar

For seksjonsleiar ved evt. opprykk:

Nødvendig:

Juridisk embetseksamen eller mastergrad i rettsvitskap med godt resultat
Omfattende påtaleerfaring
Inngåande kunnskap og forståing for politiet og påtalemynda si rolle i samfunnet
Gode juridiske kunnskapar og eit godt juridisk skjønn

Ønskeleg:

Relevant leiarerfaring med oppnådd gode resultat
Leiarutdanning
Kunnskap om HMS-arbeid eller at slik kompetanse opparbeidast innan avtalt tid etter tilsetjing

For begge stillingar må du ha plettfri vandel og vere skikka for tjeneste i politiet. Politiattest (uttømmande og utvida) må innhentast ved eventuell tilsetting, jf. politiloven § 18 og politiregisterloven § 41. Ved søknad på stillinga må du pårekne at det blir henta inn opplysingar frå enkelte av politiet sine register og system til bruk i vandels- og skikkaheitsvurderinga.

Du må kunne bli sikkerheitsklarert på nivå Hemmelig etter sikkerhetsloven.

Personlege eigenskapar

Resultatorientert og har god gjennomføringskraft
Evne til å setje retning, drive endring og skape resultat i samhandling med andre
Godt heilskapeleg blikk og evne til strategisk og langsiktig arbeid
Samfunnsorientert og har forståing for eininga si rolle i politiet sitt samfunnsoppdrag
Medarbeiderorientert og evne til å motivere og utvikle medarbeidarar
Gode evne til kommunikasjon, samarbeid og relasjonsbygging

Som medarbeidar i politiet har du høg etisk bevisstheit, du kjenneteiknast av å vere modig og heilskapsorientert, du viser respekt og er tett på. Du kan lese meir om dei etiske retningslinjene våre og om medarbeidarplattformen her: https://www.politiet.no/om-politiet/jobb-i-politiet/medarbeiderplattform/

Vi tilbyr

Ei utfordrande og spennande stilling for deg som vil vere med og forme politiet for framtida
Midlertidig stilling som driftseiningsleiar (seksjonsleiar ved evt. opprykk) i Møre og Romsdal politidistrikt.
Stillinga lønnast som politiinspektør (stillingskode 0290), frå kr 1.200.000 -1.300.000 brutto per år, frå kr 980.000 - 1.100.000 for seksjonsleiar ved evt. opprykk. Endeleg lønnsplassering er avhengig av erfaring, kvalifikasjonar og ansiennitet
For særskilt kvalifiserte kan noko høgare lønnsplassering bli vurdert
For stillinga som driftseiningsleiar gjeld særavtale for arbeidstakarar med uregulert arbeidstid. For seksjonsleiarstilling: Godtgjering etter gjeldande ATB for påtalejuristar
Medlemskap i Statens pensjonskasse, med blant annet gode pensjons- og forsikringsordninger (www.spk.no)
Møre og Romsdal politidistrikt er ei IA-bedrift og er knytt til bedriftshelseteneste

Tilsetting skjer på vilkår fastsett i statsansatteloven og personalreglementet for politiet, derunder at prøvetida er seks månadar.

Kontaktinformasjon

Ingar Bøen, 70118800

Arbeidsstad

Nedre Strandgate 50
6005 Ålesund

Nøkkelinformasjon:

Arbeidsgivar: Møre og Romsdal politidistrikt

Referansenr.: 4914897972
Stillingsprosent: 100%
Vikar
Startdato: 17.02.2025
Sluttdato: 31.12.2025
Søknadsfrist: 17.02.2025

Informasjonskapsler på arbeidsplassen.no

Rapporter annonse